या महिन्यात 3 कारचे झाले क्रॅश टेस्ट, तिन्हींना मिळाले 5-स्टार सेफ्टी रेटिंग; एकीची किंमत तर फक्त ₹5.59 लाख

तापर्यंत या टस्टमध्ये २९ कारची सुरक्षा तपासणी करण्यात आली. त्यापैकी बहुतांश वाहनांना ४ आणि ५-स्टार रेटिंग मिळाली आहे.

भारतीय वाहन बाजारात कारच्या सुरक्षिततेकडे ग्राहकांचा ओढा वाढताना दिसत आहे. 'भारत NCAP' (BNCAP) क्रॅश टेस्ट, कार उत्पादकांसाठी एक विश्वासार्हतेचा नवा निकष ठरत आहे. आतापर्यंत या टस्टमध्ये २९ कारची सुरक्षा तपासणी करण्यात आली. त्यापैकी बहुतांश वाहनांना ४ आणि ५-स्टार रेटिंग मिळाली आहे. २०२६ च्या सुरुवातीलाच टाटा मोटर्स आणि व्हिएतनामी कंपनी 'विनफास्ट'च्या दोन प्रमुख मॉडेल्सनी ५-स्टार सुरक्षा रेटिंग तपासण्यात आली.

टाटा पंच (Tata Punch) :
टाटा मोटर्सने आपल्या 'न्यू पंच' या लोकप्रिय मॉडेलची क्रॅश टेस्ट, कार लॉन्च होण्यापूर्वीच (जानेवारी २०२६ मध्ये) पूर्ण केली. या कारने ५-स्टार रेटिंग मिळवून आपली सुरक्षा सिद्ध केली आहे. प्रौढ प्रवासी संरक्षणासाठी (Adult Protection) या कारला ३२ पैकी ३०.५८ गुण मिळाले, तर लहान मुलांच्या संरक्षणासाठी (Child Protection) ४९ पैकी ४५ गुण मिळाले आहेत. अवघ्या ५.५९ लाख रुपयांच्या सुरुवातीच्या किमतीत ही कार उपलब्ध आहे.

विनफास्ट VF6 (VinFast VF6):
व्हिएतनामच्या विनफास्ट कंपनीने गेल्या वर्षी आपली VF6 इलेक्ट्रिक SUV लॉन्च केली, मात्र तिची अधिकृत क्रॅश टेस्ट जानेवारी २०२६ मध्ये पार पडली. या चाचणीत या इलेक्ट्रिक कारने ५-स्टार रेटिंग मिळवले आहे. प्रौढांच्या संरक्षणासाठी ३२ पैकी २७.१३ गुण आणि मुलांच्या संरक्षणासाठी ४९ पैकी ४४.४१ गुणांसह, ही कार सुरक्षित ठरली आहे.

विनफास्ट VF7 (VinFast VF7) :
विनफास्टच्या पोर्टफोलिओमधील VF7 या मोठ्या इलेक्ट्रिक SUV ने देखील ५-स्टार रेटिंग मिळवत आपली ताकद दाखवून दिली आहे. जानेवारी २०२६ च्या चाचणीत या कारला प्रौढ संरक्षणासाठी २८.५४ गुण आणि मुलांच्या संरक्षणासाठी ४९ पैकी ४५.२५ गुण मिळाले आहेत.