घाटकोपर व्यापारी हत्या प्रकरण : 'या' अभिनेत्रीचा पोलिसांनी नोंदविला जबाब 

या व्यापाऱ्याच्या कॉल डिटेल्समधून तो अनेक बार गर्ल्स आणि टीव्ही सीरियलमध्ये काम करणाऱ्या अनेक अभिनेत्रींशी संपर्कात असल्याची धक्कादायक माहिती समोर आली आहे. याच संदर्भात पोलिसांनी छोट्या पडद्यावरची अभिनेत्री देवोलीना भट्टाचार्जी हिच्यासहीत जवळपास २५ जणांची चौकशी केली आहे.  

ठळक मुद्देकॉल डिटेल्स खंगाळून काढल्यानंतर पोलिसांसमोर वेगवेगळी माहिती उघड होताना दिसत आहेपोलिसांनी छोट्या पडद्यावरची अभिनेत्री देवोलीना भट्टाचार्जी हिच्यासहीत जवळपास २५ जणांची चौकशी केली आहे.  कॉल डिटेल्समधून तो अनेक बार गर्ल्स आणि टीव्ही सीरियलमध्ये काम करणाऱ्या अनेक अभिनेत्रींशी संपर्कात असल्याची धक्कादायक माहिती

मुंबई - पनवेल परिसरात नेहरे भागात घाटकोपरच्या राजेश्वर उदानी या हिरे व्यापाऱ्याचा मृतदेह सापडल्यानं परिसरात एकच खळबळ उडालीय. हा व्यापारी २८ नोव्हेंबरपासून बेपत्ता झाला होता. घाटकोपर पूर्वेकडील पूर्व द्रुतगती महामार्गालगत विक्रोळी वाहतूक चौकीसमोरील कॉर्नरला या व्यापाऱ्याची कार पोलिसांना सापडली होती. कॉल डिटेल्स खंगाळून काढल्यानंतर पोलिसांसमोर वेगवेगळी माहिती उघड होताना दिसत आहे. या व्यापाऱ्याच्या कॉल डिटेल्समधून तो अनेक बार गर्ल्स आणि टीव्ही सीरियलमध्ये काम करणाऱ्या अनेक अभिनेत्रींशी संपर्कात असल्याची धक्कादायक माहिती समोर आली आहे. याच संदर्भात पोलिसांनी छोट्या पडद्यावरची अभिनेत्री देवोलीना भट्टाचार्जी हिच्यासहीत जवळपास २५ जणांची चौकशी केली आहे. यामध्ये मुंबई, नवी मुंबई आणि रायगडच्या अनेक बार गर्ल्सच्या नावांचा समावेश आहे. यामध्ये एका प्रसिद्ध टीव्ही अभिनेत्रीच्या नावाचाही समावेश होता. छोट्या पडद्यावर हिंदी मालिकांमध्ये करणारी अभिनेत्री देवेलीनाचंही नाव या कॉल डिटेल्समधून समोर आलं आहे.  अभिनेत्री देवोलीना भट्टाचार्जीचे जबाब नोंदविण्याचे काम पंत नगर पोलीस ठाण्यात सुरु आहे. 

पोलिसांनी दिलेल्या माहितीनुसार घाटकोपर परिसरात राहणारा राजेश्वर हा हिरे व्यापारी घरी चार तासात परत येतो असं सांगून घराबाहेर पडला होता. परंतु, दुसऱ्या दिवशी सकाळपर्यंत तो परतला नाही. त्यानंतर मुलगा रोनक याने पंतनगर पोलीस ठाण्यात बेपत्ता असल्याची तक्रार नोंदवली होती.  या संदर्भात पोलिसांनी या भागातील सीसीटीव्ही फुटेजही ताब्यात घेतले आहे. राजेश्वर दुसऱ्याच एका गाडीतून नवी मुंबईच्या दिशेनं जाताना या फुटेजमधून दिसत आहे. 3 डिसेंबर रोजी पनवेल भागातील झाडाझुडपात एका अज्ञात व्यक्तीचा मृतदेह सापडला होता. परंतु, त्याची ओळख पटवणं कठिण होतं. राजेश्वर यांचे कपडे आणि बूटांची ओळख पटवल्यानंतर हा मृतदेहाची ओळख पटली.यानंतर पोलिसांनी राजेश्वर यांचे कॉल डिटेल्स काढले.  ७० हजार रुपयांच्या देण्या - घेण्यावरून वाद सुरु होता असल्याची माहिती पोलीस सूत्रांनी दिली आहे. 

खळबळजनक! घाटकोपरमधील व्यापाऱ्याची अपहरण करून हत्या?