मी आमीरपेक्षाही जास्त सामाजिक कार्य केलंय - कमल हसन
By Admin | Published: May 27, 2017 06:19 PM2017-05-27T18:19:06+5:302017-05-27T18:19:06+5:30
सामाजिकदृष्या आपण किती जबाबदार आहोत हे दाखवण्यासाठी मला सत्यमेव जयतेसारखा शो करण्याची गरज नाही असं कमल हसन बोलले आहेत
मी आमीरपेक्षाही जास्त सामाजिक कार्य केलंय - कमल हसन
Next चेन्नई, दि. 27 - सामाजिकदृष्या आपण किती जबाबदार आहोत हे दाखवण्यासाठी मला सत्यमेव जयतेसारखा शो करण्याची गरज नाही असं प्रसिद्ध अभिनेता कमल हसन बोलले आहेत. कमल हसनने शुक्रवारी प्रसारमाध्यमांशी बोलताना हे वक्तव्य करत मिस्टर परफेक्शनिस्ट आमीर खानवर टीका केली आहे. कमल हसन प्रसिद्द रिअॅलिटी शो बिग बॉसचं सुत्रसंचालन करणार आहे.
बिग बॉसच्या लॉचिंगदरम्यान कमल हसनला सत्यमेव जयतेसारखा सामाजिक विषयांवर आधारित कार्यक्रम न निवडता बिग बॉसची निवड का केली ? असं विचारण्यात आलं. यावर उत्तर देताना कमल हसनने सांगितलं की, "मी गेल्या कित्येक वर्षांपासून सामाजिक भान जपलं असून जबाबदारी निभावत आहे. जी व्यक्ती सत्यमेव जयतेचं सुत्रसंचालन करत आहे त्यापेक्षा जास्त काम मी केलं आहे", असं उत्तर दिलं.
बिग बॉसचं सुत्रसंचालन करण्याविषयी कमल हसन यांनी सांगितलं की, "या कार्यक्रमामुळे त्यांना घरोघरी पोहोचण्याची संधी मिळेल. तसंच आपल्या चाहत्यांचं जे प्रेम मिळत आहे त्याचा आनंद घेण्याचीही संधी मिळेल".
"हा शो जास्तीत जास्त लोकांपर्यंत पोहोण्याची क्षमता ठेवतो. यासाठी मला कोणताही स्पेशल अवतार घेण्याची गरज नाही. मला फक्त मी जसा आहे तसंच राहायचं आहे. यामुळे मी जास्तीत जास्त घरांमध्ये पोहोचेन", असंही कमल हसन बोलले आहेत.