क्रिकेटच्या दौऱ्यांवर 650 मुलींबरोबर मजा केली - वेस्ट इंडिजचा फास्ट बॉलर

बार्बाडोस (वेस्ट इंडिज), दि. 21 - टिनो बेस्ट, आंतरराष्ट्रीय क्रिकेटमध्ये 100 पेक्षा जास्त विकेट घेतलेल्या वेस्ट इंडिजच्या या वेगवान गोलंदाजाने रंगील्या रात्रींचे किस्से आत्मचरीत्रात लिहिले असून जवळपास 650 मुलींसोबत शय्यासोबतीचा आनंद लुटल्याचे त्याने म्हटले आहे. ख्रिस गेल, ड्वेन ब्राव्हो आदी आपल्या सहकाऱ्यांच्या आवडीनिवडी व अनुभवही त्याने लिहिले असून हे आत्मचरीत्र लवकरच प्रसिद्ध होत आहे.

डिसेंबर 2013मध्ये शेवटची कसोटी खेळलेल्या टिनोनं ऑस्ट्रेलिया, अफ्रिका आदी दौऱ्यावर असताना, शहरात फिरायचं, चांगल्या मुलींबरोबर मैत्री करायची आणि रात्री त्यांना हॉटेलवर घेऊन यायचं हा नित्यक्रम असल्याचं म्हटलं आहे. स्वत:ला ब्लॅक ब्रॅड पिट असं म्हणवणाऱ्या टिनोनं, एकेका वेळी दोन ते चार मुलींना सोबत आणल्याचा आणि काहीवेळी मदतीसाठी टीममधल्या अन्य खेळाडूंना सहभागी करून घेतल्याचा अनुभवही शेअर केला आहे. अशा कृत्यांमध्ये ड्वेन ब्राव्हो आपला चांगला जोडीदार होता, असं सांगणाऱ्या टिनोनं ख्रिस गेल मात्र, चांगला माणूस असल्याचं म्हटलं आहे.

मला मुली आवडतात आणि मुलींना मी असं सांगणाऱ्या टिनोनं, ऑस्ट्रेलिया वा आफ्रिका व अन्य दौऱ्यांवर असताना मी कोण हे कुणी ओळखायचं नाही, परंतु मी स्पोर्टसमन असल्याचं जाणवायचं आणि त्या माझ्यावर फिदा व्हायच्या असं म्हटलं आहे. यावरून मी माझ्या संघातल्या सहकाऱ्यांना कायम चिडवायचो असंही त्यानं म्हटलं आहे. ऑस्ट्रेलियाच्या एका 11 आठवड्याच्या दौऱ्यात तर आपण 40 मुलींसोबत शय्यासोबत केल्याचा दावा त्यानं केला आहे. अर्थात, सेक्सचा आनंद लुटताना क्रिकेटकडे कदी दुर्लक्ष केलं नाही आणि सकाळी वेळेवर मैदानावर आपण हजर असायचो असंही त्यानं म्हटलं आहे.

 

 

डेली मेलसाठी टिनोनं ही पुस्तकाची झलत पेश केली असून पुस्तकामध्ये किती मोठा खुलासा असेल याचा अंदाज यावरून यायला हरकत नाही. मी माझ्या देशासाठी खेळलो, परंतु त्याबरोबरच मजाही केल्याचं तो म्हणतो.