भारतीय फ्लोअरबॉल महासंघाचे सरचिटणीस पदी रवींद्र चोथवे

गुरुनानक इंग्लिश स्कूल व ज्युनिअर कॉलेजमध्ये चोथवे हे शारीरिक शिक्षण शिक्षक व नंतर प्राचार्य म्हणून कार्यरत होते.

सचिन सागरे, लोकमत न्यूज नेटवर्क, कल्याण : भारतीय फ्लोअर बॉल महासंघाच्या कौन्सिल बोर्डाने सरचिटणीसपदी रविंद्र रतन चोथवे यांची एकमताने निवड केली. गुरुनानक इंग्लिश स्कूल व ज्युनिअर कॉलेजमध्ये चोथवे हे शारीरिक शिक्षण शिक्षक व नंतर प्राचार्य म्हणून कार्यरत होते.

मागील १० वर्षांपासून चोथवे फ्लोअरबॉल असोसिएशन ऑफ महाराष्ट्रचे कार्यवाह म्हणून यशस्वीपणे काम बघत आहेत. चोथवे यांच्या मार्गदर्शनाखाली महाराष्ट्र राज्यातील मुले व मुलींचे संघ स्कूल गेम फेडरेशन ऑफ इंडियाच्या राष्ट्रीय फ्लोअर बॉल स्पर्धेत सुवर्ण व रौप्य पदके प्राप्त केले आहेत. चोथवे यांची सरचिटणीसपदी निवड झाल्याबद्दल फ्लोअरबॉल फेडरेशन ऑफ महाराष्ट्रचे अध्यक्ष जगन्नाथ शिंदे, कोषाध्यक्ष संजय काळे तसेच महाराष्ट्रातील सर्व जिल्हा फ्लोअरबॉल असोसिएशनचे पदाधिकारी यांनी कौतुक केले.