महायुतीच्या उमेदवारांसाठी मनसे प्रमुख राज ठाकरेंची पुण्यातील टिळक चौकात सभा

उपमुख्यमंत्री देवेंद्र फडणवीस, अजित पवार, केंद्रीय मंत्री नितीन गडकरी यांच्यासह मनसेचे अध्यक्ष राज ठाकरे हे स्वतः पुण्यात सभा घेणार आहे.....

पुणे :पुणे लोकसभा निवडणुकीचा प्रचार शेवटच्या टप्प्यात येत असताना भाजपच्या प्रचारासाठी पुण्यात महायुतीच्या नेत्यांच्या सभांचा धडाका सुरु होणार आहे. उपमुख्यमंत्री देवेंद्र फडणवीस, अजित पवार, केंद्रीय मंत्री नितीन गडकरी यांच्यासह मनसेचे अध्यक्ष राज ठाकरे हे स्वतः पुण्यात सभा घेणार आहे.

भाजपतर्फे पत्रकार परिषदेत प्रदेश उपाध्यक्ष राजेश पांडे यांनी ही माहिती दिली. लोकसभा प्रभारी श्रीनाथ भिमाले आदी उपस्थित होते. ८ मे ते ११ मे या कालावधीत पुण्यातील सहा विधानसभा मतदारसंघात विविध नेत्यांच्या सभा होणार आहेत. देवेंद्र फडणवीस यांच्या शहरात तीन सभा होणार आहेत.

नितीन गडकरी यांची कोथरूडमध्ये सभा घेण्याचे नियोजन सुरु आहे. शहरातील सहा मतदारसंघात प्रदेशाध्यक्ष चंद्रशेखर बावनकुळे हे नमो संवाद मेळावे’ घेणार आहेत. मनसेचे अध्यक्ष राज ठाकरे पुण्यातील टिळक चौकात १० मे रोजी सायंकाळी पाच वाजता सभा घेणार आहेत असे मनसेचे शहराध्यक्ष साईनाथ बाबर यांनी ही माहिती दिली.