कोळंब येथील वृद्धेला सर्पदंश

ठळक मुद्देजिल्हा रुग्णालयात हलविलेप्रकृतीत सुधारणा

मालवण : कोळंब भटवाडी येथील जयवंती भिवा नेमळेकर (८२) यांच्या पायाला घरात आलेल्या किंग कोब्रा जातीच्या सापाने चावा घेतला. त्यामुळे भयभीत झालेल्या नेमळेकर परिवाराने शेजारी व मित्रपरिवाराच्या साथीने त्यांना रविवारी सायंकाळी मालवण ग्रामीण रुगणालयात आणले होते.

मालवण ग्रामीण रुग्णालयात प्राथमिक उपचार केल्यानंतर त्यांना जिल्हा रुग्णालयात अधिक उपचारासाठी हलविण्यात आले.

मालवण ग्रामीण रुग्णालयाचे वैद्यकीय अधिकारी डॉ. बालाजी पाटील यांनी त्यांच्यावर तातडीने औषध उपचार सुरू केले. तर घटनास्थळी उपस्थित असलेले सर्पमित्र मंगेश चव्हाण, सचिन माळकर, समीर माळकर यांनी किंग कोब्रा जातीच्या नागिणीला पकडून ग्रामीण रुगणालयात आणले होते.

जयवंती नेमळेकर यांच्या प्रकृतीत सुधारणा होत आहे. या घटनेची माहिती मिळताच नगराध्यक्ष महेश कांदळगावकर, नगरसेवक दीपक पाटकर, तसेच कोळंब ग्रामस्थ यांनी मालवण ग्रामीण रुग्णालय परिसरात एकच गर्दी केली होती.