कन्हैयाची गाडी रोखणारे बजरंग दलाचे कार्यकर्ते पोलिसांच्या ताब्यात

नागपूरमध्ये आलेला जेएनयू विद्यार्थी संघटनेचा नेता कन्हैया कुमारची गाडी अडवण्याचा प्रयत्न गुरुवारी बजरंग दलाच्या कार्यकर्त्यांनी केला.

ऑनलाइन लोकमत 

नागपूर, दि. १४ - नागपूरमध्ये आलेला जेएनयू विद्यार्थी संघटनेचा नेता कन्हैया कुमारची गाडी अडवण्याचा प्रयत्न गुरुवारी बजरंग दलाच्या कार्यकर्त्यांनी केला. पोलिसांनी या प्रकरणी बजरंग दलाच्या सहा कार्यकर्त्यांना ताब्यात घेतले आहे. 'जय श्री  राम'च्या घोषणा देत निदर्शकांनी कन्हैयाची गाडी रोखण्याचा प्रयत्न केला. 

 

भारतरत्न डॉ.बाबासाहेब आंबेडकर यांच्या १२५ व्या  जयंतीनिमित्त कन्हैया नागपूरमध्ये आला आहे. भारतमातेचे तुकडे करण्याची भाषा करुन देशाच्या शूर सैनिकांचा अपमान करणा-या कन्हैयाला काही स्वार्थी लोकांनी आज नागपूरमध्ये बोलवले आहे असा आरोप बजरंग दलाच्या कार्यकर्त्यांनी केला. 

 

डॉ. बाबासाहेब आंबेडकरांना अभिवादन करण्यासाठी कन्हैया दीक्षा भूमिवर जाणार आहे. त्यानंतर विद्यार्थी संघटनांच्या कार्यक्रमामध्ये तो सहभागी होईल. महाराष्ट्र पोलिसांनी त्याला एक्स दर्जाची सुरक्षा दिली आहे.