आत्महत्येपुर्वी प्रत्युषा बॅनर्जीने केला होता गर्भपात
By Admin | Published: April 19, 2016 08:39 AM2016-04-19T08:39:01+5:302016-04-19T11:13:08+5:30
प्रत्युषा बॅनर्जी गर्भवती होती आणि आत्महत्या करण्यापुर्वी तिने गर्भपात केली असल्याची माहिती समोर आली आहे
आत्महत्येपुर्वी प्रत्युषा बॅनर्जीने केला होता गर्भपात
Next मुंबई, दि. १९ - अभिनेत्री प्रत्युषा बॅनर्जी आत्महत्येप्रकरणी नवा खुलासा समोर आला आहे. प्रत्युषा बॅनर्जी गर्भवती होती आणि आत्महत्या करण्यापुर्वी तिने गर्भपात केली असल्याची माहिती समोर आली आहे. जे जे रुग्णालयाच्या डॉक्टरांनी या माहितीला दुजोरा दिला आहे. 1 एप्रिलला प्रत्युषा बॅनर्जीने आपल्या राहत्या घरी आत्महत्या केली होती.
टाईम्स ऑफ इंडियाने दिलेल्या वृत्तानुसार आत्महत्या करण्याच्या काही महिने अगोदर प्रत्युषा बॅनर्जी गर्भवती होती. तसंच गर्भपातदेखील करण्यात आला होता. मात्र पोलिसांना या मुलाचा पिता कोण होतं ? हे सिद्ध करणं कठीण जाणार असल्याचं मत काही तज्ञांनी व्यक्त केलं आहे. सध्या कोणताच पुरावा हाती नसल्याने डीएनए चाचणी करुन मुलाचे वडील कोण आहेत सिद्ध करणं आव्हानात्मक असेल.
प्रत्युषा बॅनर्जीने गर्भपात केला तेव्हा नेमके किती महिने झाले होते याची माहिती मात्र मिळू शकलेली नाही. 'आम्ही कोणतीही माहिती उघड करु शकत नाही, आम्ही रिपोर्ट पोलिसांच्या हवाली केला आहे', अशी माहिती जेजे हॉस्पिटलचे डीन तात्याराव लहाने यांनी दिली आहे.
प्रत्युषा बॅनर्जीच्या आत्महत्येमुळे राहुल राज सिंगसोबत असणारे संबंध उघड झाले होते. पोलीस सध्या राहुल राज सिंगची चौकशी करत असून त्यानेच आत्महत्येसाठी प्रवृत्त केल्याचा पोलिसांना संशय आहे. प्रत्युषावर विषप्रयोग करण्यात आला होता का याची तपासणी कलिन फॉरेन्सिक सायन्स लॅबोरेटरीमध्ये केली जात आहे. तसंच डीएनए चाचणीसाठी केस, नख आणि रक्ताचे नमुने जपून ठेवण्यात आले आहेतय