पोलिस शिपाई विलास शिंदेंच्या आईचा मृत्यू
By Admin | Published: September 12, 2016 01:08 PM2016-09-12T13:08:39+5:302016-09-12T13:32:35+5:30
विनाहेल्मेट प्रवास करत असलेल्या अल्पवयीन दुचाकीस्वाराला हटकल्यानंतर झालेल्या मारहाणीत मृत्यूमुखी पडलेले पोलीस शिपाई विलास शिंदेंच्या आईचा हृदयविकाराच्या झटक्याने मृत्यू झाला.
पोलिस शिपाई विलास शिंदेंच्या आईचा मृत्यू
Next मुंबई, दि. १२ - विनाहेल्मेट प्रवास करत असलेल्या अल्पवयीन दुचाकीस्वाराला हटकल्यानंतर झालेल्या मारहाणीत मृत्यूमुखी पडलेले पोलीस शिपाई विलास शिंदे यांच्या कुटुंबियांवर आणखी एक दु:खाचा पहाड कोसळला आहे. विलास शिंदे यांच्या आईचा हृदयविकाराच्या झटक्याने मृत्यू झाल्याची दुर्दैवी घटना घडली आहे. विलास शिंदे यांच्या तेराव्याचा विधी सुरू असतानाच त्यांना हृदयविकाराचा झटका आला व त्यांचे निधन झाले.
२३ ऑगस्ट रोजी विलास शिंदे यांनी एका अल्पवयीन मुलाला विना हेल्मेट गाडी चालवताना पकडले होते. सदर मुलाकडे लायसन्सही नव्हते. दरम्यान, त्या मुलाची चौकशी सुरु असताना त्या मुलाने आपल्या भावाला बोलावून घेतले. यावेळी त्याच्या भावाने मागून येऊन थेट विलास शिंदे यांच्या डोक्यात लाकडी दांडक्याने वार केला. या हल्ल्यात विलास शिंदे जबर जखमी होऊन बेशुद्ध पडले. या हल्ल्यानंतर ते दोघेही पळून गेले. या घटनेनंतर विलास शिंदे यांना तातडीने लीलावती रुग्णालयात दाखल करण्यात आले. मात्र ३१ ऑगस्ट रोजी त्यांचा मृत्यू झाला.
त्याच्या मृत्यूमुळे त्यांचे कुटुंबिय दु:खी असतानाच आज त्यांच्या आईचाही मृत्यू झाला.