हैदराबादमधील 50 IT कंपन्यांना पाकिस्तानी हॅकर्सचा फटका
By admin | Published: October 14, 2016 10:10 AM2016-10-14T10:10:07+5:302016-10-14T10:38:56+5:30
गेल्या दहा दिवसांपासून हैदराबादमधील जवळपास 50 आयटी कंपन्यांना पाकिस्तानी हॅकर्सने टार्गेट केले आहे. या सायबर हल्ल्यात शहरातील मोठ्या कंपन्यांचाही समावेश आहे.
हैदराबादमधील 50 IT कंपन्यांना पाकिस्तानी हॅकर्सचा फटका
ऑनलाइन लोकमत
हैदराबाद, दि. 14 - गेल्या दहा दिवसांपासून हैदराबादमधील जवळपास 50 आयटी कंपन्यांना पाकिस्तानी हॅकर्सने टार्गेट केले आहे. या सायबर हल्ल्यात 'सोसायटी फॉर सायबराबाद सिक्युरिटी काऊन्सिल' (SCSC)सह शहरातील मोठ्या कंपन्यांचाही समावेश आहे, अशी माहिती पोलिसांनी दिली आहे. साईटवरुन कुणीतरी माहिती चोरी करण्याचा प्रयत्न असल्याचे निर्दशनास आल्यानंतर सोसायटी फॉर सायबराबाद सिक्युरिटीला ही बाब समजली.
पाकिस्तानी हॅकर्स भारतीय कंपन्यांवर सायबर अटॅक करण्यासाठी तुर्की, सोमालिया आणि सौदी अरेबियामधून सर्व्हर वापरत आहेत, अशी माहिती सायबर सुरक्षा फोरमच्या अधिका-यांनी दिली आहे.या हल्ल्यानंतर काही समस्या सोडवण्यात आल्या आहेत, मात्र अन्य कंपन्यांच्या समस्या सोडवण्याचा प्रयत्न युद्धपातळीवर सुरू आहे. गेल्या दहा दिवसांमध्ये येथे झालेले सायबर अटॅक हे पाकिस्तानातून करण्यात आल्याचे म्हटले जात आहे. काही कंपन्यांनी याबाबत तक्रार नोंदवत आयटी कॉरीडोरच्या सुरक्षेची मागणी केली आहे.
