VIDEO : झाकीर हुसैनच्या तालावर सचिनने धरला ठेका

षण्मुखानंद सभागृहात रंगलेल्या कार्यक्रमात उस्ताद झाकीर हुसैन आणि मास्टर ब्लास्टर सचिन तेंडुलकरने एकत्र वाद्य वाजवत अनोखा ताल धरला.

ऑनलाइन लोकमत

मुंबई, दि. १० - क्रिकेटच्या मैदानावर तळपत्या बॅटने गोलंदाजांचा धुव्वा उडवणारा मास्टर ब्लास्टर तितक्याच हळुवारपणे एखाद्या वाद्यावर ताल धरतो तेव्हा.. आणि साथीला असतात प्रख्यात तबलावादक उस्ताद झाकीर हुसैन.... सुवर्णाक्षरांनी कोरून ठेवावा असा हा क्षण.. या दोन दिगज्जांना फक्त ' याची देहि याचि डोळा ' पाहण्याचे नव्हे तर अनुभवण्याचेही भाग्य रसिकांना मिळाले. 

'सा' व 'नी' या सूरसंगीत संस्थेने आयोजित केलेला कार्यक्रम षण्मुखानंदमध्ये पार पडला आणि उपस्थितांच्या डोळ्याचे पारणे फिटले. अवघ्या काही मिनिटांच्या या कार्यक्रमात सचिनने उस्ता झाकीर हुसैन यांच्या साथीने ताल धरला. उस्तादजींची बोटे सराईतपणे तबल्यावर थिरकू लागताच सचिननेही 'स्लिटगाँग' हे वाद्य वाजवले आणि कॅमे-याच्या लखलखटांसह टाळ्यांचा कडकडाट सुरू झाला. त्यानंतर हे दोन्ही दिग्गज एकमेकांसह मनमोकळ्या गप्पांमध्ये रंगून गेले. 

http://timesofindia.indiatimes.com/videos/news/master-maestro-together-watch-tabla-great-zakir-hussains-jugalbandi-with-sachin-tendulkar/videoshow/56427086.cms