परवानगीशिवाय फोटो वापरणा-या ब्रँडची हृतिकने उडवली खिल्ली
By Admin | Published: February 10, 2017 11:21 AM2017-02-10T11:21:36+5:302017-02-10T11:24:26+5:30
परवानगीशिवाय फोटो वापरणा-या टॉमी हिलफिगर ब्रँडची अभिनेता हृतिक रोशनने ट्विटरवरून खिल्ली उडवली.
परवानगीशिवाय फोटो वापरणा-या ब्रँडची हृतिकने उडवली खिल्ली
Next मुंबई, दि. १० - एखाद्या व्यक्तीची परवानगी न घेता त्याचे छायाचित्र जाहिरातीत वापरल्यास त्या कंपनीवर कायदेशीर कारवाई करता येते. परवानगशिवाय 'पेटीएम आणि रिलायन्स जिओ'च्या जाहिरातीत पंतप्रधान नरेंद्र मोदींचा फोटो वापरल्याबद्दल सरकराने या दोन्ही कंपन्यांना नुकतीच नोटीस बजावली होती. ही घटना ताजी असताना अभिनेता हृतिक रोशनच्या बाबतीतही असाच काहीसा प्रकार घडल्याचे समोर आले. मात्र त्या कंपनीविरोधात कायदेशीर कारवाईचे पाऊल वगैरे न उचलता हृतिकने त्यांची सोशल मीडियावरूनच खिल्ली उडवली.
'टॉमी हिलफिगर' या कपड्यांच्या प्रसिद्ध ब्रँडने नुकतीच स्प्रिंग समर कलेक्शनची जाहीर केले असून त्यावरील जाहिरातीत हृतिक आणि त्याच्या दोन मुलांचे फोटो वापरण्यात आले आहेत. विशेष म्हणजे हृतिकचा या ब्रँडशी काहीही संबंध नाही किंवा तो त्यांचा अॅम्बॅसेडरही नाही. असे असतानाही त्या कंपनीने हृतिकच्या परवानगीशिवाय त्याचा व मुलांचा फोटो छापला. ही गोष्ट लक्षात येताच हृतिकने ट्विटरवरून कंपनीला चांगलेच सुनावले आणि ट्रोलही केले.
Dear Tommy.I dont wear u, neither do my kids endorse u.If u hv lost ur spine I hv a great team 2help u find it.Please (hil)figure urself out pic.twitter.com/QMB2h9Gm0y— Hrithik Roshan (@iHrithik) February 9, 2017