दारुच्या नशेत कपिल शर्माने सुनिल ग्रोवरला चोपलं
By Admin | Published: March 19, 2017 01:16 PM2017-03-19T13:16:46+5:302017-03-19T13:31:30+5:30
या घटनेवेळी विमानातील इतर प्रवासीही घाबरले होते. त्यांनी वैमानिकाला इमर्जन्सी लॅण्डिंगचीही मागणी केली होती.
दारुच्या नशेत कपिल शर्माने सुनिल ग्रोवरला चोपलं
Next tyle="text-align: justify;">ऑनलाइन लोकमत
नवी दिल्ली, दि. 19 - दूरचित्रवाणी वाहिनीवरील कॉमेडी नाईट विथ कपिल या शोमध्ये डॉ. गुलाटी आणि रिंकू भाभी या व्यक्तीरेखा साकरणाऱ्या सुनिल ग्रोवर आणि शोचा होस्ट प्रसिद्ध हास्य कलाकार कपिल शर्मा यांच्यामध्ये वाद झाला आहे. यामध्ये कपिलने दारुच्या नशेत आपला सहकारी असलेल्या सुनिल ग्रोवरला शिवीगाळ करत मारहाण केल्याचे समोर आले आहे. याप्रकरणी सुनिल ग्रोवरनं मौन बाळगलं असून, या घटनेनंतर सुनिल ग्रोवर कपिलचा शो सोडण्याचा विचार करत असल्याची शक्यता व्यक्त केली जात आहे.
स्पॉटबॉय डॉट कॉमच्य़ा वृत्तानुसार, ऑस्ट्रेलियातील सिडनी आणि मेलबर्नमध्ये शोसाठी कपिल आपल्या सहकाऱ्या सोबत गेला होता. हा शो संपवून दोन दिवसांपूर्वी कपिल आपल्या टीमसोबत ऑस्ट्रेलियाहून दिल्ली वाया मुंबई प्रवास करत असताना हा प्रकार घडला आहे. ऑस्ट्रेलिया ते मुंबई असा इकॉनॉमी क्लासने प्रवास करतेवेळी कपिल शर्माने दारुच्या नशेत सुनिल ग्रोवरला मारहाण केली. या मारहाणीवेळी कपिल शर्मानं सुनिल ग्रोवरसाठी अपमानास्पद भाषेचाही वापर केल्याचे वृत्त आहे.
या घटनेवेळी विमानातील इतर प्रवासीही घाबरले होते. त्यांनी वैमानिकाला इमर्जन्सी लॅण्डिंगचीही मागणी केली होती. मात्र यावेळी टीमच्या इतर सदस्यांनी हस्तक्षेप केल्यानंतर कपिल शर्मा शांत झाला. याशिवाय टीमचे इतर सदस्यही कपिलच्या वर्तणुकीवर नाराज असल्याचं वृत्त आहे.
यापूर्वीही दारुच्या नशेत पंतप्रधान नरेंद्र मोदी यांना ट्विट करत बीएमसीची तक्रार करत कपिल शर्माने वादाला तोंड फोडले होते.