ऑस्ट्रेलियन ओपन, व्हीनस विल्यम्सला पराभवाचा धक्का

ऑस्ट्रेलियन ओपन टेनिस स्पर्धेत महिला एकेरीत पहिल्या धक्कादायक निकालाची नोंद झाली आहे.

ऑनलाइन लोकमत 

मेलबर्न, दि. १९ - ऑस्ट्रेलियन ओपन टेनिस स्पर्धेत महिला एकेरीत पहिल्या धक्कादायक निकालाची नोंद झाली आहे. महिला एकेरीतील आघाडीची टेनिसपटू व्हीनस विल्यम्सचे वयाच्या ३५ व्या वर्षी ऑस्ट्रेलियन ओपनचे पहिले विजेतेपद मिळवण्याचे स्वप्न भंगले. 

ब्रिटनच्या जोहाना कोंटाने पहिल्याच फेरीत व्हीनसचा ६-४,६-२ असा सरळसेटमध्ये पराभव केला. स्पर्धेत आठवे सीडींग मिळालेल्या व्हिनसला सुरुवातीपासूनच सामन्यावर पकड मिळवता आली नाही. जोहानाने ७९ मिनिटात व्हिनसचा पराभव केला. 

सात ग्रँण्डस्लॅम जेतेपद मिळवणा-या व्हीनसने याआधी २००३ मध्ये एकदाच ऑस्ट्रेलियन ओपनची अंतिम फेरी गाठली होती. त्यावेळी मोठी बहिण सेरेना विल्यम्सने पराभूत केले होते.