घोडबंदर येथील डबक्यात पोहण्यासाठी गेलेल्या विद्यार्थ्याचा बुडून मृत्यू

मीरा रोड : घोडबंदर येथील डबक्यात पोहण्यासाठी गेलेल्या चौघा शाळकरी मित्रांपैकी अमन भट (१३ ) या विद्यार्थ्याचा बुडून मृत्यू झाला. गुरुवारी सकाळी त्याचा मृतदेह सापडला. दोघांना एका मित्राने वाचवले. मीरा रोडला राहणारा अमन मोठा भाऊ आकाश आणि मित्र तौफिक व प्रिन्ससोबत घोडबंदरच्या रिलायन्स उपकेंद्रामागील डबक्यात बुधवारी पोहण्यासाठी गेले होते. त्यांना पाण्याचा अंदाज आला नाही.