कोरफड, ज्याला "ग्वारपाठा" म्हणूनही ओळखले जाते, ही एक औषधी वनस्पती आहे जी आपल्या आरोग्यासाठी अत्यंत लाभदायक आहे. या वनस्पतीचे पानं मांसल असतात आणि त्यामध्ये जेलयुक्त पदार्थ असतो, जो विविध औषधी गुणधर्मांसाठी प्रसिद्ध आहे. ज्यामुळे शेतकरी बांधवांसमोर कोरफड शेती करण्याचा एक नवीन मार्ग निर्माण झाला आहे.
कोरफडचे पोषणमूल्य
कोरफड जेलमध्ये विविध प्रकारचे व्हिटॅमिन्स, खनिजे, अमीनो आम्ल आणि एन्झाइम्स आढळतात. त्यामध्ये व्हिटॅमिन A, C, आणि E तसेच फोलिक ऍसिड, कोलिन, बी१, बी२, बी३ (नियासिन), बी ६ आणि बी १२ यांचा समावेश होतो.
कोरफड (एलोवेरा) चे आरोग्यदायी फायदे
पचन सुधारणा
कोरफड जेल पाचक एन्झाइम्स असतात, ज्यामुळे अन्नाचे पचन चांगले होते. त्याचे नियमित सेवन केल्याने गॅस्ट्रोइंटेस्टाइनल ट्रॅक्ट स्वच्छ राहते. तसेच बद्धकोष्ठतेसारख्या समस्या कमी होतात.
रोगप्रतिकारक शक्ती वाढवते
कोरफडमध्ये अँटीऑक्सिडंट्स मुबलक प्रमाणात असतात, ज्यामुळे शरीरातील मुक्त रॅडिकल्सचे प्रमाण कमी होते आणि रोगप्रतिकारक शक्ती वाढते. व्हिटॅमिन C आणि E यांचे प्रमाण जास्त असल्याने शरीरातील रोगप्रतिकारक पेशींची कार्यक्षमता वाढते.
त्वचारोगांवर उपचार
कोरफड जेल त्वचारोगांसाठी अत्यंत उपयुक्त आहे. यामध्ये अँटीबॅक्टेरियल आणि अँटीफंगल गुणधर्म असल्यामुळे त्वचेवरील जखमा, जळजळ, पुरळ आणि अन्य त्वचारोगांवर उपाय करता येतो. Aloe Vera
शरीरातील विषारी पदार्थ बाहेर काढते
लोवेरा जूस शरीरातील विषारी पदार्थ बाहेर काढण्यास मदत करतो. त्यामुळे यकृत व मूत्रपिंड स्वच्छ राहतात आणि शरीरातील विषारी पदार्थ कमी होतात.
वजन कमी करण्यात मदत
कोरफड जूस वजन कमी करण्यासाठी उपयुक्त आहे. त्याचे सेवन केल्याने शरीरातील मेटाबॉलिजम वाढतो, ज्यामुळे वजन कमी होण्यास मदत होते.
चयापचय सुधारते
कोरफड मधील पोषक घटक शरीरातील चयापचय क्रियेला उत्तेजन देतात, ज्यामुळे उर्जा पातळी वाढते आणि थकवा कमी होतो.
कोरफडपासून तयार होणारे विविध उत्पादने
कोरफड ही एक औषधी वनस्पती असून, तिच्यापासून विविध प्रकारची उत्पादने तयार केली जातात. या उत्पादनांचा वापर करून आपण अनेक आरोग्यदायी फायदे घेऊ शकतो. खालील माहितीमध्ये एलोवेरापासून तयार होणारी काही मुख्य उत्पादने दिली आहेत.
१. कोरफड ज्यूस
कोरफड जूस हा एलोवेराच्या पानांमधील जेलपासून तयार केला जातो. तो पचन सुधारतो, वजन कमी करण्यात मदत करतो, शरीरातील विषारी पदार्थ बाहेर काढतो आणि रोगप्रतिकारक शक्ती वाढवतो.
२. कोरफड कॅप्सूल्स
कोरफड कॅप्सूल्समध्ये कोरफड पावडर असते. या कॅप्सूल्सचा नियमित सेवन केल्याने पचन सुधारते, वजन नियंत्रित राहते आणि शरीरातील विषारी पदार्थ बाहेर काढले जातात.
३. कोरफड पावडर
कोरफड पावडर ही पाण्यात मिसळून किंवा स्मूदीत घालून वापरली जाते. ती शरीरातील विषारी पदार्थ बाहेर काढण्यास, चयापचय सुधारण्यास आणि त्वचा व केसांसाठी फायदेशीर असते.
४. कोरफड टी
कोरफड टी पानांमधील जेल पासून तयार केली जाते. ही चहा पचन सुधारते, वजन कमी करण्यात (weight loss) मदत करते आणि शरीरातील विषारी पदार्थ बाहेर काढते.
५. कोरफड हनी
कोरफड हनी ही एलोवेरा जेल आणि मध यांचे मिश्रण असते. यामुळे त्याला दोन्हीचे फायदे मिळतात. हनीमध्ये असलेल्या अँटीबॅक्टेरियल गुणधर्मांसह एलोवेरा मधील पोषक घटक मिळून शरीराची प्रतिकारशक्ती वाढते.
६. कोरफड जॅम
कोरफड जॅम हा एलोवेरा जेल आणि फळांपासून तयार केला जातो. तो स्वादिष्ट असतो आणि आरोग्यासाठी लाभदायक असतो.
असे विविध लाभ असलेली कोरफड ही एक अत्यंत प्रभावी औषधी वनस्पती आहे. जी आपल्या दैनंदिन जीवनात समाविष्ट केल्याने विविध प्रकारचे आरोग्यदायी फायदे मिळू शकतात. त्याचे नियमित सेवन आणि बाह्य वापर केल्याने आपले आरोग्य सुधारू शकते आणि विविध आजारांपासून संरक्षण मिळू शकते.त्यामुळे, आपल्या आहारात एलोवेराचा समावेश करावा आणि त्याचे आरोग्यदायी फायदे अनुभवावेत.
लेखक डॉ. सोनलरा. झंवरसहाय्यक प्राध्यापक, एम. जी. एम अन्नतंत्र महाविद्यालय, गांधेली, छ. संभाजीनगर