मुंबई : शासनाच्या विविध योजनांची सर्वसामान्य नागरिकांना माहिती देण्यासाठी मुख्यमंत्री योजनादूत उपक्रम सुरु करण्यात आला आहे. या उपक्रमात सहभागी होण्यासाठी उमेदवारांकडून अर्ज मागविण्यात येत आहेत.
महाराष्ट्र शासनाच्या माहिती व जनसंपर्क महासंचालनालयामार्फत मुख्यमंत्री योजनादूत उपक्रम राबविण्यात येत आहे. प्रत्येक ग्रामपंचायत पातळीवर एक तर शहरी भागात प्रत्येक पाच हजार लोकसंख्येमागे एक अशा पद्धतीने राज्यात एकूण ५० हजार योजनादूतांची सहा महिन्यांसाठी निवड केली जाणार आहे.
या योजनादूतांना दरमहा १० हजार रूपये मानधन दिले जाणार आहे. हे योजनादूत शासनाच्या लोककल्याणकारी योजनांबाबत नागरिकांना माहिती देतील.
पात्रता१) या योजनेत सहभागी होण्यासाठी इच्छुक उमेदवार १८ ते ३५ वयोगटातील असावा.२) उमेदवार कोणत्याही शाखेचा पदवीधर असणे आवश्यक आहे.३) उमेदवाराकडे महाराष्ट्राचे अधिवास प्रमाणपत्र असणे आवश्यक आहे.४) उमेदवारास संगणक ज्ञान असावे. ५) अद्ययावत मोबाईल (स्मार्ट फोन) आवश्यक.६) आधारसंलग्न बँक खाते असणे आवश्यक आहे.
आवश्यक कागदपत्रे१) मुख्यमंत्री योजनादूत उपक्रमासाठी केलेला ऑनलाईन अर्ज.२) आधार कार्ड.३) पदवी उत्तीर्ण असल्याबाबतची पुराव्यादाखल कागदपत्रे/प्रमाणपत्र इ.४) अधिवासाचा दाखला. (सक्षम यंत्रणेने दिलेला)५) उमेदवाराकडे आधार जोडणी असलेल्या बँक खात्याचा पुरावा.६) पासपोर्ट आकाराचा फोटो.७) हमीपत्र (ऑनलाईन अर्जासोबतच्या नमुन्यामधील) नियुक्तीवेळी सादर करणे आवश्यक आहे.
अर्ज करण्याची अंतिम तारीख१३ सप्टेंबर २०२४
अर्ज कुठे कराल?इच्छुक उमेदवारांना www.mahayojanadoot.org या संकेतस्थळावर नोंदणी करता येईल.