प्राणप्रतिष्ठा सोहळ्यानंतर आज लासलगाव, पिंपळगावी कांद्याचे बाजारभाव असे होते

अयोध्या येथील श्रीराम मंदिरातील श्रीरामाच्या मूर्तीची काल प्राणप्रतिष्ठा होती. त्यामुळे बाजारसमित्या दुपारी बंद होत्या. आज प्राणप्रतिष्ठा सोहळ्यानंतर कांद्याला असे बाजारभाव मिळाले आहेत.

काल अयोध्या येथील राम मंदिरात भव्य सोहळ्यात प्रभू श्री रामाच्या मूर्तीची प्राण प्रतिष्ठापना संपन्न झाली. त्यानिमित्त राज्य सरकारने सरकारी व निमसरकारी आस्थापनांना सुटी जाहीर केली होती. मात्र कांदा उत्पादक शेतकऱ्यांची गैरसोय होऊ नये म्हणून लासलगाव, विंचूर, सह पुणे परिसरातील काही बाजारांत सकाळच्या सुमारास कांदा लिलाव सुरू होते.

दुपारी श्रीराम प्रतिष्ठापना उत्सवासाठी बाजारसमित्या बंद राहिल्या. आज दिनांक २३ जानेवारी रोजी प्रतिष्ठापना उत्सवानंतर पुन्हा बाजारसमित्या पूर्णवेळ सुरू झाल्या आहेत. त्यामुळे शेतकरी आपले कांदे घेऊन पुन्हा बाजारसमित्यांकडे येत आहेत.

आज सकाळच्या सत्रात लासलगाव बाजारसमितीची उपआवार असलेल्या विंचूर बाजारसमितीत लाल कांद्याला कमीत कमी ६०० रुपये तर सरासरी १२७५ रुपये प्रति क्विंटल बाजारभाव मिळाला. तर पिंपळगाव बाजारसमितीत पोळ कांद्याला कमीत कमी ४०१ तर सरासरी १३५० रुपये प्रति क्विंटल असा बाजारभाव मिळाला. 

आजचे कांदा बाजारभाव

बाजार समिती	जात/प्रत	आवक	कमीत कमी दर	जास्तीत जास्त दर	सर्वसाधारण दर
२३ जानेवारी २४
खेड-चाकण	---	200	1000	1800	1500
लासलगाव - विंचूर	लाल	13000	600	1400	1275
पुणे	लोकल	11617	600	1600	1100
पिंपळगाव बसवंत	पोळ	14400	401	1700	1350
२२ जानेवारी २४
जुन्नर - नारायणगाव	चिंचवड	10	300	2000	1500
बारामती	लाल	598	400	3000	1400
लासलगाव - निफाड	लाल	2900	951	1351	1300
लासलगाव - विंचूर	लाल	7380	400	1400	1300
पेन	लाल	381	3000	3200	3000
पुणे	लोकल	11435	500	1700	1100
पुणे-मांजरी	लोकल	46	1300	2200	1700
पुणे-मोशी	लोकल	435	400	1200	800
वाई	लोकल	100	500	1500	1000
मंगळवेढा	लोकल	608	200	2000	1500