लिंबू पाठोपाठ गवारही खातोय भाव; वाढत्या तापमानामुळे बाजारात आवक कमी

Vegetable Market : वाढत्या तापमानामुळे भाज्यांची आवक कमी झाली आहे. त्याचा परिणाम भाववाढीवर झाला आहे. किरकोळ बाजारात सर्वच भाज्या सध्या ६० ते ९० रुपये किलोदरम्यान मिळत आहेत. तर लिंबू सध्या ४० रुपये पाव मिळत असून, चार ते पाच रुपयांना एक नग विकला जात आहे.

वाढत्या तापमानामुळे भाज्यांची आवक कमी झाली आहे. त्याचा परिणाम भाववाढीवर झाला आहे. किरकोळ बाजारात सर्वच भाज्या सध्या ६० ते ९० रुपये किलोदरम्यान मिळत आहेत. तर लिंबू सध्या ४० रुपये पाव मिळत असून, चार ते पाच रुपयांना एक नग विकला जात आहे.

वाढती उष्णता, पाण्याची कमतरता यामुळे भाज्यांची आवक कमालीची मंदावली आहे. गेल्या महिन्याच्या तुलनेत ३० टक्के आवक कमी झाल्याचे नंदुरबार येथील भाजीपाला विक्रेत्यांनी सांगितले.

सध्या मेथी, फ्लावर, गड्डाकोबी, गवार, दोडकी, गिलकी, सुरण, दुधी, काकडी भाव खात आहेत. किमान १५ ते २० रुपये पाव अशा दराने विक्री होत आहेत.

महिनाभर हीच स्थिती...

आणखी महिनाभर हीच स्थिती राहणार असल्याचे विक्रेत्यांनी सांगितले. काही शेतकरी हे ठोक भावात स्थानिक ठिकाणीच विक्री करतात. ते व्यापारी थेट मुंबई, सुरतला माल पाठवत असल्याचे सांगण्यात आले.

पालेभाज्याही कडाडल्या

मेथी, पालक, आंबाडी, तांदुळकी या भाज्या महागल्या आहेत. आवक कमी असल्याने भाव वाढले आहेत. 

काकडी, टोमॅटोला मागणी

सध्या काकडी व टोमॅटोलाही मागणी कायम आहे. काकडी ८० रुपये किलो तर टोमॅटो ४० रुपये किलो आहे

शेतकऱ्यांचे नुकसान

नुकत्याच झालेल्या गारपीट आणि पावसाने शेतकऱ्यांचे नुकसान झाल्याने भाजीपाला आवक कमी झाली आहे.

कृषी पणन मंडळाच्या अधिकृत माहितीनुसार राज्यातील गवार आवक व दर 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
17/04/2025
छत्रपती संभाजीनगर	---	क्विंटल	23	3000	4500	3750
खेड-चाकण	---	क्विंटल	78	4000	6000	5000
श्रीरामपूर	---	क्विंटल	4	4000	6000	5000
भुसावळ	---	क्विंटल	1	7500	7500	7500
राहता	---	क्विंटल	5	2500	6000	4200
पुणे	लोकल	क्विंटल	184	2000	6000	4000
पुणे -पिंपरी	लोकल	क्विंटल	1	5000	5000	5000
पुणे-मोशी	लोकल	क्विंटल	21	6000	7000	6500
नागपूर	लोकल	क्विंटल	20	7000	7500	7375
कामठी	लोकल	क्विंटल	2	3500	4500	4000
रत्नागिरी	नं. २	क्विंटल	23	4000	6000	5000

कृषी पणन मंडळाच्या अधिकृत माहितीनुसार राज्यातील लिंबू आवक व दर 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
17/04/2025
छत्रपती संभाजीनगर	---	क्विंटल	21	5000	9000	7000
श्रीरामपूर	---	क्विंटल	12	8000	12000	10000
राहता	---	क्विंटल	4	5000	10000	7500
अकलुज	कागदी	नग	6850	1	3	2
पुणे	लोकल	क्विंटल	270	500	6000	3200
पुणे-मोशी	लोकल	क्विंटल	37	9000	12000	10500
नागपूर	लोकल	क्विंटल	40	7000	8000	7750
भुसावळ	लोकल	क्विंटल	15	8000	9000	8500

हेही वाचा : शेतकरी बांधवांनो 'हे' सोपे उपाय येतील कामी; हृदयाविकाराची सुटेल चिंता सारी