कांद्यानंतर कापसाच्या दरालाही लागले ग्रहण! हमीभावापेक्षा कमी दराने खरेदी

हिंगणा येथे केवळ ५ हजार ६०० रूपये प्रतिक्विंटल एवढा दर कापसाला मिळाला

मागच्या एका आठवड्यात कांद्याच्या दराने मान टाकली आहे, त्यानंतर कापसाचे दरही ७ हजारांच्या खाली आले असून हमीभावापेक्षा कमी दराने कापूस खरेदी केला जात आहे. दरम्यान, कापसाचे दर वाढण्याची शक्यता आता शेतकऱ्यांनी सोडली आहे. 

केंद्र सरकारने लांब धाग्याच्या कापसाला ७ हजार २० रूपये प्रतिक्विंटल एवढा दर निश्चित केलेला असतानाही आज राज्यातील केवळ तीन बाजार समित्यांमध्ये ७ हजारांच्या वर दर मिळाला. तर एका बाजार समितीमध्ये केवळ ५ हजार ६०० दर मिळाला आहे. आंतरराष्ट्रीय बाजारामध्ये कापसाचे दर वाढण्यासंदर्भातील अनुकूल परिस्थिती असतानाही कापसाचे दर वाढत नसल्याने शेतकरी चिंतेत आहेत. 

आज अकोला (बोरगावमंजू) बाजार समितीमध्ये सर्वांत जास्त म्हणजेच ७ हजार २५० रूपये प्रतिक्विंटल एवढा उच्चांकी दर मिळाला. तर हिंगणा येथे केवळ ५ हजार ६०० रूपये प्रतिक्विंटल एवढा दर मिळाला आहे. त्यानंतर परभणी आणि फुलंब्री प्रत्येकी ७ हजार १०० रूपये प्रतिक्विंटल एवढा सरासरी दर मिळाला. हिंगणघाट येथे सर्वांत जास्त म्हणजेच ८ हजार क्विंटल कापसाची आवक झाली होती. या बाजार समितीमध्ये ६ हजार ५०० रूपये प्रतिक्विंटल एवढा सरासरी दर मिळाला.  तर उपलब्ध माहितीनुसार आज १४ बाजार समित्यांमध्ये हमीभावापेक्षा कमी दर मिळाला.

कापसाचे आजचे सविस्तर दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
21/12/2023
संगमनेर	---	क्विंटल	130	5500	7000	6250
सावनेर	---	क्विंटल	3000	6650	6675	6675
भद्रावती	---	क्विंटल	486	6770	7020	6895
मौदा	---	क्विंटल	150	6300	6585	6410
पारशिवनी	एच-४ - मध्यम स्टेपल	क्विंटल	1459	6600	6660	6630
परभणी	हायब्रीड	क्विंटल	775	7080	7180	7100
अकोला	लोकल	क्विंटल	96	6730	7011	6870
अकोला (बोरगावमंजू)	लोकल	क्विंटल	82	7000	7500	7250
उमरेड	लोकल	क्विंटल	632	6500	6840	6650
देउळगाव राजा	लोकल	क्विंटल	1336	6115	7090	6950
वरोरा	लोकल	क्विंटल	2804	6450	7000	6700
वरोरा-खांबाडा	लोकल	क्विंटल	834	6500	6970	6700
काटोल	लोकल	क्विंटल	115	6300	6800	6700
हिंगणा	लोकल	क्विंटल	12	5593	6300	5600
सिंदी(सेलू)	लांब स्टेपल	क्विंटल	1525	6600	7000	6850
हिंगणघाट	मध्यम स्टेपल	क्विंटल	8000	6000	7100	6500
फुलंब्री	मध्यम स्टेपल	क्विंटल	612	6900	7200	7100