शरीरातील उष्णता कमी करणाऱ्या खरबुजला नागरिकांची पसंती; विक्रीत वाढ

६० रूपये किलो भाव

गडचिरोली जिल्ह्यातील आरमोरी तालुक्याच्या शिवणी व देऊळगाव परिसरात नदीपात्रात खरबूज पिकाची लागवड करण्यात आली असून शेतकऱ्यांच्या हाती उत्पादन आले आहे. स्थानिक स्तरावरील खरबुजाला जिल्ह्यातील नागरिकांकडून मागणी होत आहे.

उन्हाळ्यामध्ये उष्णतेमुळे माणसाच्या अंगाची लाहीलाही होते. शरीरातील पाणी कमी होत असल्याने खरबुज, टरबुज व इतर फळांना मागणी होत असते. सदर फळे खाल्ल्याने शरीराला पाणी तर मिळतेच तसेच शरीरातील उष्णता कमी होते.

सध्या गडचिरोली जिल्ह्यात ५० ते ६० रूपये किलो दराने खरबुजाची विक्री केली जात आहे. शिवणी व देऊळगाव परिसरातील शेतकरी आपल्या शेतातील खरबूज आरमोरी व गडचिरोली शहरात विक्रीसाठी आणत आहेत.

काही शेतकरी ठोक स्वरूपात किरकोळ विक्रेत्यांना खरबूज देऊन मोकळे होत आहेत. शहरातील किरकोळ विक्रेते दिवसभर नागरिकांना खरबुजाची विक्री करून आपली मजुरी काढत असल्याचे दिसते. लालसर व गोड खरबुजाला गडचिरोलीकरांकडून मागणी वाढत असल्याचे विक्रेत्यांनी 'लोकमत अ‍ॅग्रो' शी बोलताना सांगितले.

आरोग्यदायी फायदे

खरबुज खाल्ल्याने शरीर निरोगी राहते. व्हायरस व बॅक्टेरियाच्या संसर्गापासून दूर राहता येते. खरबुजामध्ये व्हिटॅमिन सी आढळते. त्यामुळे खरबूज खाल्ल्याने रोग प्रतिकारशक्ती मजबूत होण्यास मदत होते.

उच्च रक्तदाबग्रस्त लोकांना खरबुजाचे सेवन करणे फायदेशीर ठरते. कारण यातून मिळणारे पोटॅशियम रक्तवाहिन्यांना आराम देते. शरीरातील उष्णता कमी करण्यासाठी मदत होते.

आज गुरुवार आणि  बुधवार (दि.८) रोजी राज्यातील विविध बाजारात खरबुजला मिळालेला दर व झालेली आवक 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
09/05/2024
श्रीरामपूर	---	क्विंटल	34	500	1200	750
राहता	---	क्विंटल	2	2000	2000	2000
08/05/2024
छत्रपती संभाजीनगर	---	क्विंटल	37	1000	1800	1400
मुंबई - फ्रुट मार्केट	---	क्विंटल	1695	1800	2600	2200
सोलापूर	लोकल	क्विंटल	43	1000	2500	1400
अमरावती- फळ आणि भाजीपाला	लोकल	क्विंटल	219	1500	2000	1750
हिंगणा	लोकल	क्विंटल	2	1100	1600	1600
नाशिक	नं. १	क्विंटल	20	1200	2200	1800

हेही वाचा - गूळ शेंगदाणे नियमित सेवन केल्यास अ‍ॅसिडिटीपासून होते सुटका; हाडेही होतात मजबूत