कोथिंबीरीच्या दरात घसरण, कवडीमोल भावामुळे रस्त्यावर फेकून देण्याची वेळ

राज्यात आज लोकल,हायब्रीड अशा ९३६ क्विंटल कोथिंबीरीची आवक झाली.

राज्यात कोथिंबीरीचे भावात कमालीची घसरण झाली आहे.कवडीमोल भाव मिळत असल्याने अनेक शेतकऱ्यांना कोथिंबीर रस्त्यावर फेकून देण्याची वेळ आली आहे.

राज्यात आज लोकल,हायब्रीड अशा ९३६ क्विंटल कोथिंबीरीची आवक झाली. बहुतांश बाजार समित्यांमध्ये प्रति नग ५ ते ७ रुपये भाव मिळत असल्याचे दिसून आले. पुण्याच्या बाजारसमितीत आज १ लाख ९९ हजार ३६७ नग कोथिंबीरीची आवक झाली. दरम्यान, प्रति नग मिळणारा जास्तीत जास्त दर ८ रुपये होता.

सोलापूर कृषी उत्पन्न बाजारसमितीत आज ९ हजार ७१४ नग कोथिंबीरीची आवक झाली. पण कवडीमोल भाव मिळत असल्याने शेतकरी आक्रमक झाले आहेत.

या बाजारसमित्यांमध्ये नगामागे मिळताहेत..

संभाजीनगरमध्ये १९ हजार नग कोथिंबीरीची आवक झाली. प्रतिनग मिळणारा साधारण दर १९५ रुपये एवढा होता. तर खेड, चाकण या बाजारसमित्यांमध्येही साधारण प्रति नग दर हा ४०० ते ५०० रुपये होता.

सुट्टीमुळे आवक वाढली

सलग दोन दिवसांच्या सुट्टीनंतर बुधवारी बाजारसमित्या सुरु झाल्या होत्या दरम्यान २६ जानेवारीला बाजारसमित्या बंद राहणार असल्याने आज बहुतांश बाजारसमित्यांमध्ये शेतमालाची आवक वाढली होती.

कोणत्या बाजारसमितीत काय दर?

बाजार समिती	परिमाण	आवक	कमीत कमी दर	जास्तीत जास्त दर	सर्वसाधारण दर
कोल्हापूर	क्विंटल	38	1000	3500	2250
पुणे-मांजरी	नग	40150	2	5	4
छत्रपती संभाजीनगर	नग	19000	140	250	195
चंद्रपूर - गंजवड	क्विंटल	20	1000	2000	1500
खेड	नग	10500	300	500	400
खेड-चाकण	नग	32250	300	700	500
श्रीरामपूर	नग	600	5	9	8
राहता	नग	3100	3	5	4
हिंगणा	क्विंटल	7	1900	4500	3000
कल्याण	नग	3	8	12	10
कळमेश्वर	क्विंटल	19	1615	2000	1840
अकलुज	नग	5800	2	3	3
सोलापूर	नग	9714	200	600	400
जळगाव	क्विंटल	24	500	1500	1000
पुणे	नग	199367	4	8	6
पुणे- खडकी	नग	1400	4	6	5
पुणे -पिंपरी	नग	700	6	8	7
पुणे-मोशी	नग	18500	5	7	6
मुंबई	क्विंटल	788	800	1000	900
भुसावळ	क्विंटल	32	1000	2000	1500
मंगळवेढा	नग	1785	2	10	5
कामठी	क्विंटल	8	3000	4000	3500