cotton Market : शासकीय कापूस खरेदी केंद्रावर आता शेतकऱ्यांची कापूस विक्री करण्यासाठी गर्दी वाढताना दिसत आहे. बदनापूर येथे भारतीय कापूस निगमच्या वतीने सुरू करण्यात आलेल्या शासकीय कापूस खरेदी केंद्रात आतापर्यंत १३ हजार क्विंटल कापसाची खरेदी करण्यात आली आहे. मात्र, खरेदी केंद्राच्या परिसरात शेतकऱ्यांना थांबण्यासाठी जागाच उपलब्ध नसल्याने त्रास सहन करावा लागत आहे.
केंद्रावर मोठ्या प्रमाणात आवक सुरू असल्याने आणखी एक खरेदी केंद्र सुरू करण्याची मागणी शेतकऱ्यांकडून होत आहे. येथील प्राईम जिनिंग प्रेसिंगमध्ये केंद्र शासनाचे सीसीआय शासकीय कापूस खरेदी केंद्र ६ नोव्हेंबरपासून सुरू करण्यात आले आहे.
या केंद्रावर दररोज ४० ते ५० कापसाची वाहने येतात. यामुळे येथे मोठ्या प्रमाणावर गर्दी होत आहे. शेतकऱ्यांनी आणलेल्या कापसाचे मोजमाप दुसऱ्या दिवशी होत असल्यामुळे व येथे शेतकऱ्यांना मुक्कामी थांबण्यासाठी व्यवस्था नाही.
हे केंद्र शहरापासून दोन किलोमीटर अंतरावर असल्यामुळे शेतकऱ्यांना कापसाचे वाहन या जिनिंगमध्ये उभे करून रात्री घरी जावे लागते. शेतकऱ्यांना राहण्याची व्यवस्था नसल्यामुळे शेतकऱ्यांचा जाण्या- येण्याकरिता जास्तीचा वेळ व पैसा खर्च होत आहे. या केंद्रावर मोजमाप एका दिवसात होत नसल्यामुळे बदनापूर येथे आणखी एक शासकीय कापूस खरेदीचे केंद्र सुरू करावे, अशी मागणी शेतकऱ्यांमधून होत आहे.
वाहन व्यवस्थेसाठी निधी नाही
• बाजार समितीच्या आवारात शेतकऱ्यांच्या वाहनांची व्यवस्था करण्यासाठी बाजार समितीकडे खर्च करण्यासाठी आवश्यक निधी नाही.
• त्यामुळे कापसाची वाहने संबंधित जिनिंगमध्ये थांबविली जातात. केंद्र सुरू झाल्यापासून आजपर्यंत १३ हजार क्विंटल कापसाची खरेदी करण्यात आली असल्याची माहिती बाजार समितीचे सचिव सुरेश जिगे यांनी दिली.
राज्यातील इतर बाजार समितीमध्ये कापसाची आवक किती झाली आणि काय भाव मिळाला.
शेतमाल : कापूस
दर प्रती युनिट (रु.)
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|
| 26/11/2024 | ||||||
| सावनेर | --- | क्विंटल | 2600 | 7000 | 7050 | 7025 |
| किनवट | --- | क्विंटल | 73 | 6800 | 7100 | 7050 |
| राळेगाव | --- | क्विंटल | 2500 | 7000 | 7521 | 7100 |
| भद्रावती | --- | क्विंटल | 1517 | 7050 | 7521 | 7286 |
| समुद्रपूर | --- | क्विंटल | 1679 | 6900 | 7521 | 7100 |
| वडवणी | --- | क्विंटल | 102 | 6750 | 7000 | 6940 |
| आष्टी (वर्धा) | ए.के.एच. ४ - लांब स्टेपल | क्विंटल | 35 | 7521 | 7521 | 7521 |
| उमरखेड | एच-४ - मध्यम स्टेपल | क्विंटल | 20 | 6900 | 7100 | 7000 |
| पारशिवनी | एच-४ - मध्यम स्टेपल | क्विंटल | 915 | 6900 | 7150 | 7050 |
| सोनपेठ | एच - ६ - मध्यम स्टेपल | क्विंटल | 246 | 6900 | 7100 | 7050 |
| कळमेश्वर | हायब्रीड | क्विंटल | 755 | 6800 | 7200 | 7000 |
| घाटंजी | एल. आर.ए - मध्यम स्टेपल | क्विंटल | 3500 | 6900 | 7050 | 7000 |
| अकोला | लोकल | क्विंटल | 3044 | 7331 | 7471 | 7396 |
| अकोला (बोरगावमंजू) | लोकल | क्विंटल | 1085 | 7396 | 7471 | 7433 |
| उमरेड | लोकल | क्विंटल | 873 | 7000 | 7080 | 7040 |
| वणी | लोकल | क्विंटल | 2148 | 7220 | 7521 | 7437 |
| मनवत | लोकल | क्विंटल | 5200 | 6900 | 7500 | 7225 |
| वरोरा-माढेली | लोकल | क्विंटल | 560 | 7011 | 7151 | 7050 |
| वरोरा-खांबाडा | लोकल | क्विंटल | 624 | 6975 | 7200 | 7100 |
| किल्ले धारुर | लोकल | क्विंटल | 1380 | 7026 | 7101 | 7026 |
| मारेगाव | लोकल | क्विंटल | 782 | 6850 | 7050 | 6950 |
| नेर परसोपंत | लोकल | क्विंटल | 21 | 7000 | 7000 | 7000 |
| काटोल | लोकल | क्विंटल | 279 | 6900 | 7150 | 7000 |
| हिंगणा | लोकल | क्विंटल | 78 | 6715 | 7150 | 7050 |
| किल्ले धारुर | लांब स्टेपल | क्विंटल | 1286 | 7221 | 7421 | 7321 |
| पांढरकवडा | लांब स्टेपल | क्विंटल | 2207 | 6700 | 7521 | 7229 |
| सिंदी(सेलू) | लांब स्टेपल | क्विंटल | 800 | 7225 | 7350 | 7300 |
| हिंगणघाट | मध्यम स्टेपल | क्विंटल | 6500 | 7000 | 7370 | 7100 |
| वर्धा | मध्यम स्टेपल | क्विंटल | 2105 | 7000 | 7521 | 7250 |
| बार्शी - टाकळी | मध्यम स्टेपल | क्विंटल | 7500 | 7471 | 7471 | 7471 |
| पुलगाव | मध्यम स्टेपल | क्विंटल | 1380 | 6805 | 7281 | 7150 |
(सौजन्य: महाराष्ट्र राज्य कृषि व पणन महामंडळ)