कापसाच्या भावात तेजी, तर सोयाबीनचे दर काही वाढेनात, उत्पादकांमध्ये चलबिचल

दोन दिवसांपासून कापसाच्या भावात तेजी असली तरी सोयाबीनचे दर काही वाढेनात. योग्य भाव मिळत नाही म्हणून शेतकरीवर्ग सोयाबीनबाजारपेठेत आणत नाही. परिणाम सोयाबीनची आवक कमी झालेली पाहायला मिळत आहे.

जवळा बाजार येथील कृषी उत्पन्न बाजार समितीच्या आवारात कापसाच्या भावात तेजी आलेली दिसत आहे. सोयाबीनचे भाव आठशे रुपयांनी कमी झाले आहेत. त्यामुळे शेतकरी अडचणीत आले आहेत.

जवळा बाजार येथील कृषी उत्पन्न बाजार समितीच्या आवारामध्ये सद्य:स्थितीत कापसाला प्रतिक्विंटल ७ हजार ५०० रुपये दराने भाव मिळत आहे. तर दुसरीकडे सोयाबीनच्या भावात अजूनही घसरण सुरूच आहे. सोयाबीनला ४४०० भाव मिळत आहे.

सोयाबीन उत्पादकांमध्ये पुन्हा चलबिचल...

गतवर्षीपेक्षा यावर्षी प्रतिक्विंटल ८०० रुपये भाव उतरल्याने शेतकरी सोयाबीन उत्पादकांत पुन्हा चलबिचल सुरू झाली आहे. कारण अनेक दिवसांपासून स्थिर असलेला भाव उतरला आहे. त्यामुळे सोयाबीन विकावे की घरी ठेवावे? असा प्रश्न सोयाबीन उत्पादकांना पडला आहे. सध्या बाजारपेठेत तुरीला प्रतिक्चिटल ९ ते १० रुपये भाव मिळत आहे. तर हरभऱ्याला ५५०० ते ५६०० प्रतिक्विंटल भाव मिळत आहे.

कापसाला काय मिळतोय राज्यभरात भाव?

शेतमाल: कापूस

जिल्हा	आवक	कमीत कमी दर	सर्वसाधारण दर
06/03/2024
अकोला	156	7325	7563
अमरावती	79	7350	7400
बुलढाणा	1150	7300	7600
चंद्रपुर	118	6400	6850
चंद्रपुर	3057	6300	6900
हिंगोली	72	7000	7250
नागपूर	672	6533	7117
नागपूर	1959	6600	7000
नागपूर	988	6850	7000
परभणी	1680	7650	7815
परभणी	3000	6700	7875
वर्धा	16950	6225	7017
यवतमाळ	3	6800	6800
यवतमाळ	1054	6800	7100
यवतमाळ	124	6620	7100