कापसाच्या दराने गाठली निच्चांकी; एकाही बाजार समितीत नाही हमीभावाएवढा दर

जाणून घ्या आजचे सविस्तर कापसाचे दर

मागच्या तीन महिन्यांपासून  कापूस, सोयाबीन आणि कांदा दराने माना टाकल्या आहेत. त्यामुळे सध्या शेतकरी हैराण असून अनेक शेतकऱ्यांना साठवेलला माल कसा विकायचा असा प्रश्न पडला आहे. दर वाढतील या अपेक्षेने मराठवाडा  आणि विदर्भातील अनेक शेतकऱ्यांनी मागच्या वर्षीचा कापूस साठवून ठेवला आहे पण दराने त्यांची निराशा केली. कापसाला ७ हजार २० रूपये हमीभाव जाहीर केला आहे पण आज एकाही बाजार समितीमध्ये तेवढा दर मिळाला नाही.

दरम्यान, आज पणन मंडळाच्या अधिकृत  माहितीनुसार  एच-४-मध्यम स्टेपल, हायब्रीड, लोकल, मध्यम स्टेपल या कापसाची आवक झाली होती.  त्यामध्ये देऊळगाव राजा, मनवत आणि सेलू तालुक्यातील सिंदी येथे मोठ्या प्रमाणावर कापसाची आवक झाली होती.  तर इतर बाजार समित्यांमध्ये कापसाची  आवक घटलेली दिसून येत आहे. 

आज मनवत बाजार समितीमध्ये ६ हजार ८५० रूपये प्रतिक्विंटल सरासरी दर मिळाला असून किमान दर हा ६ हजार ५०० आणि कमाल दर हा ६ हजार ९३५ रूपये एवढा होता. हा सरासरी दर आजच्या दिवसातील सर्वांत जास्त दर होता. तर नेर परसोपंत बाजार समितामध्ये आजच्या दिवसातील सर्वांत कमी सरासरी दर ५ हजार रूपये प्रतिक्विंटल एवढा मिळाला आहे. हा कापसाचा दर या हंगामातील सर्वांत कमी दर असून हा दर हमीभावापेक्षा २ हजार २० रूपयांनी कमी आहे.

आजचे  कापसाचे सविस्तर दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
03/02/2024
अमरावती	---	क्विंटल	75	6600	6650	6625
भद्रावती	---	क्विंटल	710	6240	6700	6470
पारशिवनी	एच-४ - मध्यम स्टेपल	क्विंटल	912	6650	6700	6675
मनवत	हायब्रीड	क्विंटल	4800	6500	6935	6850
उमरेड	लोकल	क्विंटल	843	6300	6640	6400
देउळगाव राजा	लोकल	क्विंटल	4650	6000	6860	6700
नेर परसोपंत	लोकल	क्विंटल	14	5000	5000	5000
मांढळ	लोकल	क्विंटल	190	6350	6650	6450
हिंगणा	लोकल	क्विंटल	28	6200	6711	6650
हिंगणघाट	मध्यम स्टेपल	क्विंटल	9000	6000	6960	6300
यावल	मध्यम स्टेपल	क्विंटल	458	6050	6710	6300
सिंदी(सेलू)	मध्यम स्टेपल	क्विंटल	2030	6500	6975	6800