अर्थसंकल्पाच्या दिवशी कापसाचे दर वाढले! पाहा कुठे किती मिळाला दर?

राज्यभरातील कापसाला किती मिळाला दर, जाणून घ्या सविस्तर

मागच्या अनेक दिवसांपासून पडलेले कापसाचे दर आता वाढले असल्याचं आजच्या बाजार दरावरून दिसून येत आहे. आज पणन मंडळाच्या अधिकृत माहितीनुसार १७ बाजार समित्यांमध्ये कापसाचे लिलाव पार पडले असून त्यातील ७ बाजार समित्यांमध्ये ७ हजारांपेक्षा जास्त  दर मिळाला. तर मागच्या काही दिवसांचा विचार केला तर ७ हजारांच्या खाली दर होते. तर किमान दरानेही पातळी ओलांडली होती. 

 दरम्यान, आज एच-४ - मध्यम स्टेपल, मध्यम स्टेपल, लोकल कापसाची आवक झाली होती. त्यामध्ये सिंदी-सेलू, वर्धा, हिंगणघाट, वरोरा-खांबाडा, वरोरा, देऊळगाव राजा, मनवत,पारशिवणी, मारेगाव, राळेगाव या बाजार समितीमध्ये मोठ्या प्रमाणावर कापसाची आवक झाली होती. हिंगणघाट येथे आजच्या दिवसातील सर्वांत जास्त म्हणजे ७ हजार ७०० क्विंटल कापसाची आवक झाली होती. तर नेर परसोपंत बाजार समितीमध्ये केवळ ६ हजार रूपये प्रतिक्विंटल सरासरी दर मिळाला आहे. 

पणन मंडळाच्या अधिकृत माहितीनुसार, सोनपेठ बाजार समितीमध्ये आजच्या दिवसातील निच्चांकी म्हणजे २ हजार ४५१ रूपये प्रतिक्विंटल सरासरी दर मिळाला असून या बाजार समितीमध्ये केवळ ४७ क्विंटल कापसाची आवक झाली होती. तर मनवत बाजार समितीमध्ये ७ हजार ६०० रूपये प्रतिक्विंटल सरासरी दर मिळाला आहे. आज दिवसभरात सात बाजार समित्यांमध्ये ७ हजारांपेक्षा जास्त सरासरी दर मिळाला आहे. यावरून कापसाच्या दरात सुधारणा झाल्याचे चित्र आहे.

आजचे सविस्तर कापसाचे दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
27/02/2024
अमरावती	---	क्विंटल	70	7000	7100	7050
राळेगाव	---	क्विंटल	6000	6650	7365	7250
भद्रावती	---	क्विंटल	292	6200	7200	6700
मारेगाव	एच-४ - मध्यम स्टेपल	क्विंटल	1197	6850	7050	6950
पारशिवनी	एच-४ - मध्यम स्टेपल	क्विंटल	1292	6700	7000	6850
सोनपेठ	एच - ६ - मध्यम स्टेपल	क्विंटल	47	2200	2651	2451
उमरेड	लोकल	क्विंटल	478	6900	7200	7100
मनवत	लोकल	क्विंटल	3600	6500	7705	7600
देउळगाव राजा	लोकल	क्विंटल	2500	6800	7700	7400
वरोरा	लोकल	क्विंटल	2449	6000	7401	6700
वरोरा-खांबाडा	लोकल	क्विंटल	1425	6100	7300	6700
आखाडाबाळापूर	लोकल	क्विंटल	68	7000	7300	7150
नेर परसोपंत	लोकल	क्विंटल	11	6000	6000	6000
काटोल	लोकल	क्विंटल	135	6600	7100	6800
हिंगणघाट	मध्यम स्टेपल	क्विंटल	7700	6000	7530	6700
वर्धा	मध्यम स्टेपल	क्विंटल	1500	6500	7325	6950
सिंदी(सेलू)	मध्यम स्टेपल	क्विंटल	2620	6550	7515	7400