Green Chilli Market मिरचीने आणले शेतकऱ्यांच्या डोळ्यात पाणी; उत्पादन कमी, तरी अपेक्षित भाव मिळेना

यावर्षी मोठ्या प्रमाणात मिरची पिकाची लागवड केली आहे. परंतु, सतत सुरू असलेला पाऊस व पिकावर आलेला अज्ञात रोगामुळे शेतकऱ्यांच्या डोळ्यात मिरचीने पाणी आणले आहे. लागवड मोठ्या प्रमाणात झाली असली तरी भाव योग्य मिळत नसल्याने शेतकरी त्रस्त झाले आहे.

जालना जिल्ह्यातील जाफराबाद तालुक्यामधील शेतकऱ्यांनी यावर्षी मोठ्या प्रमाणात मिरची पिकाची लागवड केली आहे. परंतु, सतत सुरू असलेला पाऊस व पिकावर आलेला अज्ञात रोगामुळे तालुक्यातील शेतकऱ्यांच्या डोळ्यात मिरचीने पाणी आणले आहे. लागवड मोठ्या प्रमाणात झाली असली तरी भाव योग्य मिळत नसल्याने शेतकरी त्रस्त झाला आहे. त्यामुळे कृषी विभागाकडून पंचनामे करण्याची मागणी शेतकरी करत आहेत.

मिरचीच्या झाडांची पाने पिवळी पडून कोकडा पडून नुकसान होत आहे. मिरची पिवळी पडून खराब होत आहे. तालुक्यातील जवळपास १३०० हेक्टरपेक्षा जास्त मिरचीचे लागवड करण्यात आली आहे. सुरुवातीला मिरची लागवड चांगल्याप्रकारे उगवण होऊन उत्पादन चांगले होईल, अशी अपेक्षा शेतकऱ्यांना होती. लागवड करण्यात आलेल्या क्षेत्रापैकी पन्नास टक्क्यापेक्षा जास्त क्षेत्रात घट झाली आहे.

यासोबतच ठिबक, मल्चिंग पेपर, महागड्या औषधी असा खर्चही यावर्षी शेतकऱ्यांनी केला. शेतकरी औषध व इतर प्रकारे नियंत्रण मिळवण्यासाठी प्रयत्न करत आहे; परंतु त्यांचे सर्व प्रयत्न अपयशी होताना पाहायला मिळत आहे. रिमझिम पाऊस व ढगाळ वातावरण असल्याने विविध रोगांचा प्रादुर्भाव वाढत आहे. यामुळे खर्च वाढतच चालला आहे. केलेला खर्चही पदरी पडतो की नाही, अशी चिता शेतकऱ्यांना सतावत असल्याचे पाहायला मिळत आहे.

पंचनामे करण्याची मागणी

वातावरणात बदल, अतिवृष्टी किंवा इतर कारणामुळे सोयाबीन, कापूस यासह अनेक पिकांचे पंचनामे कृषी विभागाच्या कर्मचाऱ्यांकडून शेतकऱ्यांच्या बांधावर जाऊन केले जातात. त्यानंतर मदतही शेतकऱ्यांना दिली जाते. परंतु, मिरची पिकाला विमा मिळत नाही. त्यामुळे प्रशासनाचे मिरची पिकाकडे दुर्लक्ष आहे. शेतकऱ्यांना मिरची पिकावर केलेला खर्चसुद्धा निघत नसल्याची स्थिती आहे. त्यामुळे इतर पिकांप्रमाणे कृषी विभागाने पंचनामे करून शेतकऱ्यांना आर्थिक मदत करण्याची मागणी होत आहे. - माणिक पंडित, मिरची उत्पादक, जानेफळ पंडित.

कृषि पणन मंडळाच्या अधिकृत महितीनुसार राज्यातील मिरची आवक व दर 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
25/07/2024
कोल्हापूर	---	क्विंटल	59	2000	6000	4200
पुणे-मांजरी	---	क्विंटल	8	3000	5000	4000
जुन्नर - नारायणगाव	---	क्विंटल	168	500	5000	3500
छत्रपती संभाजीनगर	---	क्विंटल	93	1400	1600	1500
खेड-चाकण	---	क्विंटल	265	3000	4000	3500
श्रीरामपूर	---	क्विंटल	18	1000	2500	2000
भुसावळ	---	क्विंटल	7	3000	4500	4000
विटा	---	क्विंटल	10	2500	4300	4000
सातारा	---	क्विंटल	47	3000	4000	3500
परांडा	---	नग	3	300	300	300
राहता	---	क्विंटल	14	2000	3000	2500
कळमेश्वर	हायब्रीड	क्विंटल	14	4520	5000	4840
अकलुज	ज्वाला	क्विंटल	15	2000	4000	3500
जळगाव	लवंगी	क्विंटल	36	2500	3000	2700
सोलापूर	लोकल	क्विंटल	77	2000	3500	2500
जळगाव	लोकल	क्विंटल	62	1500	2000	1700
धाराशिव	लोकल	क्विंटल	12	2200	5500	3850
पुणे	लोकल	क्विंटल	446	2000	3500	2750
पुणे- खडकी	लोकल	क्विंटल	2	4000	4000	4000
पुणे-मोशी	लोकल	क्विंटल	156	3000	5000	4000
मुंबई	लोकल	क्विंटल	1367	3000	5000	4000
वडगाव पेठ	लोकल	क्विंटल	60	3000	4500	3800
मंगळवेढा	लोकल	क्विंटल	11	2000	5800	3500
रामटेक	लोकल	क्विंटल	10	4000	5000	4500
कामठी	लोकल	क्विंटल	5	4500	5500	5000
हिंगणा	लोकल	क्विंटल	3	3500	5000	4250

हेही वाचा - Dashparni Arka बहूपयोगी सेंद्रिय कीटकनाशक 'दशपर्णी अर्क' असे करा घरच्याघरी