आज कापसाला किती मिळाला दर? जाणून घ्या सविस्तर

कापसाचा हमीभावापेक्षा कमी दर मिळताना दिसत आहे.

वर्षाच्या अखेरच्या दिवशीही कापसाचे दर हमीभावापेक्षा कमी होते. आजच्या पणन मंडळाच्या उपलब्ध माहितीनुसार आज केवळ दोन बाजार समित्यामध्ये सात हजारांच्यापेक्षा जास्त सरासरी दर मिळाला आहे. त्यामुळे साठवेला कापूस अजून किती दिवस ठेवायचा हा प्रश्न शेतकऱ्यांना पडला आहे. येणाऱ्या काळात दर वाढतील की नाही हा प्रश्न अजून शेतकऱ्यांसमोर आहे. 

दरम्यान, आज लोकल, लांब स्टेपल, मध्यम स्टेपल, एचकेएच - ४ - मध्यम स्टेपल, एच -४- मध्यम स्टेपल या कापसाची आवक झाली होती. तर केंद्र सरकारकडून ७ हजार २० रूपये प्रतिक्विंटल एवढा दर जाहीर झाला असतानाही आज केवळ अकोला बोरगावमंजू येथे ७ हजार १९९ रूपये प्रतिक्विंटल दर मिळाला आहे. तर देऊळगाव राजा येथे ७ हजार रूपये प्रतिक्विंटल एवढा दर मिळाला आहे. 

हिमायतनगर बाजार समितीमध्ये आजच्या दिवसातील सर्वांत कमी सरासरी दर ६ हजार ७०० रूपये एवढा मिळाला. या ठिकाणी किमान ६ हजार ६०० ते कमाल ६ हजार ८०० रूपये प्रतिक्विंटल एवढा दर मिळाला आहे. दरम्यान, आज बहुतांश बाजार समित्यांमध्ये ६ हजार ७०० ते ६ हजार ९०० च्या दरम्यान सरासरी दर मिळाल्याचं चित्र होतं.

 

आजचे कापसाचे सविस्तर दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
30/12/2023
राळेगाव	---	क्विंटल	3450	6500	6950	6800
भद्रावती	---	क्विंटल	834	6830	7020	6925
वडवणी	---	क्विंटल	293	6850	7055	6950
पांढरकवडा	ए.के.एच. ४ - मध्यम स्टेपल	क्विंटल	351	6620	6825	6800
पारशिवनी	एच-४ - मध्यम स्टेपल	क्विंटल	720	6750	6825	6775
अकोला	लोकल	क्विंटल	239	6949	7020	6984
अकोला (बोरगावमंजू)	लोकल	क्विंटल	120	6999	7400	7199
उमरेड	लोकल	क्विंटल	485	6400	6960	6750
देउळगाव राजा	लोकल	क्विंटल	3800	6500	7150	7000
वरोरा	लोकल	क्विंटल	3051	6400	7000	6800
वरोरा-खांबाडा	लोकल	क्विंटल	2268	6650	7020	6800
हिंगणा	लोकल	क्विंटल	17	6450	6800	6800
सिंदी(सेलू)	लांब स्टेपल	क्विंटल	1010	6650	7050	6900
हिमायतनगर	मध्यम स्टेपल	क्विंटल	105	6600	6800	6700
पुलगाव	मध्यम स्टेपल	क्विंटल	5250	6400	7201	6950
फुलंब्री	मध्यम स्टेपल	क्विंटल	277	6750	7050	6850