यंदा सोयाबीनच्या दरानेही शेतकऱ्यांची निराशा केली असून आता कडक उन्हाळ्याला सुरूवात झाली आहे. राज्यात अनेक ठिकाणी पावसाने दडी मारल्यामुळे सोयाबीनचे उत्पादन घटले आहे. तर आलेल्या उत्पादनालाही चांगला दर न मिळाल्याने शेतकऱ्यांची कोंडी झाली आहे. तर सध्या बाजारातील सोयाबीनची आवक कमी झाली असून दरही कमीच मिळत असल्याचे चिन्ह आहे.
दरम्यान, मार्च महिन्याचे शेवटचे दोन दिवस राहिले असून आज सोयाबीनची केवळ हिंगणघाट बाजार समितीमध्ये सर्वांत जास्त म्हणजे १ हजार ७४८ क्विंटल आवक झाली होती. तर राज्यातील इतर बाजार समितीमध्ये केवळ १ क्विंटल, ५ क्विंटल ते १०० क्विंटलपर्यंत आवक झाली होती. त्यामुळे बाजारातील सोयाबीनची आवक तटपुंजी असल्याचे चित्र आहे. तर दरही हमीभावापेक्षा कमीच मिळत असल्याने शेतकऱ्यांची निराशा झाली आहे.
आज बाजारात लोकल आणि पिवळा या सोयाबीनची आवक झाली होती. त्यामध्ये एकाही बाजार समितीमध्ये हमीभावाएवढा दर मिळाला नाही. आजच्या दिवसातील सर्वांत जास्त म्हणजे ४ हजार ४१० रूपये प्रतिक्विंटल हा सरासरी दर किल्ले धारूर बाजार समितीमध्ये मिळाला आहे. तर वरोरा आणि वरोरा-शेगाव बाजार समितीमध्ये सर्वांत कमी म्हणजे केवळ ३ हजार ५०० रूपयांचा सरासरी दर मिळाला.
आजचे सविस्तर सोयाबीनचे दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 30/03/2024 | ||||||
| सिल्लोड | --- | क्विंटल | 5 | 4250 | 4350 | 4300 |
| नागपूर | लोकल | क्विंटल | 114 | 4100 | 4331 | 4273 |
| हिंगणघाट | पिवळा | क्विंटल | 1748 | 2800 | 4530 | 3800 |
| सिल्लोड- भराडी | पिवळा | क्विंटल | 1 | 4200 | 4200 | 4200 |
| भोकरदन | पिवळा | क्विंटल | 13 | 4200 | 4400 | 4300 |
| भोकर | पिवळा | क्विंटल | 3 | 4282 | 4282 | 4282 |
| हिंगोली- खानेगाव नाका | पिवळा | क्विंटल | 55 | 4210 | 4320 | 4265 |
| देउळगाव राजा | पिवळा | क्विंटल | 13 | 4100 | 4100 | 4100 |
| वरोरा | पिवळा | क्विंटल | 25 | 2800 | 4000 | 3500 |
| वरोरा-शेगाव | पिवळा | क्विंटल | 33 | 3000 | 4000 | 3500 |
| वरोरा-खांबाडा | पिवळा | क्विंटल | 60 | 3200 | 4000 | 3600 |
| किल्ले धारुर | पिवळा | क्विंटल | 21 | 4200 | 4411 | 4410 |
| हिमायतनगर | पिवळा | क्विंटल | 68 | 4200 | 4400 | 4300 |