पंतप्रधानांच्या सभेआधी पिंपळगाव-लासलगावला कांद्याला किती बाजारभाव मिळतोय?

लोकसभेच्या निवडणूक प्रचारासाठी पंतप्रधान कांदा पट्ट्यातील महत्त्वाचे बाजारकेंद्र असणाऱ्या पिंपळगाव बसवंत येथे १५ मे रोजी सभा घेणार आहे. त्या सभेची तयारी सुरू आहे. कांद्याच्या भाव कमी असल्याने कांदा पट्ट्यात शेतकऱ्यांमध्ये सरकारविरोधात रोष आहे. वेळेवर निर्यात खुली केली नाही आणि जेव्हा निर्यात खुली केली, तेव्हा त्यात अटीच जास्त ठेवल्याने त्याचा परिणाम शेतकऱ्यांचे कांदा बाजारभाव पुन्हा गडगडण्यावर होत आहेत. उद्याच्या पंतप्रधानांच्या सभेच्या आधी कांद्याचे काय भाव आहेत ते जाणून घेऊ यात.

आज चांदवड बाजारसमितीत उन्हाळ कांद्याला किमान ६०० रुपये तर सरासरी १४८० रु. प्रति क्विंटल बाजारभाव मिळाला. उद्या दिनांक १५ मे रोजी येथील कांदा लिलाव सुरू राहतील असे बाजारसमितीने कळवले आहे.

पिंपळगाव बसवंत बाजारसमितीच्या सायखेडा उपबाजारात आज उन्हाळ कांद्याला कमीत कमी ९०० रुपये प्रति क्विंटल बाजारभाव मिळाला. गोल्टी कांद्याला कमीत कमी ३०० तर खाद कांद्याला कमीत कमी २०० रुपये प्रति क्विंटल बाजारभाव मिळाला.

येवला-अंदरसूल बाजारसमितीत उन्हाळी कांद्याची सकाळच्या सत्रात ५०० क्विंटल आवक झाली. या ठिकाणी कांद्याला कमीत कमी ३०० व सरासरी १३०० रुपये बाजारभाव मिळाला.

लासलगाव विंचूर बाजारसमितीत आज दिनांक १४ मे रोजी सकाळच्या सत्रात कांद्याची १० हजार ७०० क्विंटल आवक झाली.  या ठिकाणी कमीत कमी बाजारभाव ७५० रुपये, तर सरासरी १६५० रु प्रति क्विंटल असे होते.

जाणून घ्या दिनांक १४ मे २४ चे कांदा बाजारभाव

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
राहूरी	---	क्विंटल	13727	100	1800	950
सांगली -फळे भाजीपाला	लोकल	क्विंटल	2761	500	1700	1100
पुणे	लोकल	क्विंटल	10716	600	2000	1300
पुणे- खडकी	लोकल	क्विंटल	11	1000	1700	1350
पुणे -पिंपरी	लोकल	क्विंटल	24	1200	1800	1500
पुणे-मोशी	लोकल	क्विंटल	378	500	1200	850
इस्लामपूर	लोकल	क्विंटल	50	1000	2000	1550
येवला -आंदरसूल	उन्हाळी	क्विंटल	500	300	1531	1300
लासलगाव - विंचूर	उन्हाळी	क्विंटल	10700	750	2151	1650
मनमाड	उन्हाळी	क्विंटल	2000	300	1861	1570