आज कुठल्या मार्केटमध्ये सोयाबीनने खाल्ला भाव, जाणून घ्या

आज शनिवार दिनांक ७ सप्टेंबर रोजी राज्यातील प्रमुख बाजारसमित्यांमधील सोयाबीनचे बाजारभाव (soyabean price) असे आहेत.

सुरूवातीला पावसाने ओढ दिली, नंतर काही ठिकाणी पुरामुळे शेतात पाणी साचलं, त्यामुळे सोयाबीनचं उत्पादन यंदा घटलं आहे. काही ठिकाणी शेंगा गळती झाली, तर पिवळ्या मोझॅक रोगानं शेतकऱ्यांचं नुकसान केलं. अशाही स्थितीत शेतकऱ्यांनी सोयाबीनचं उत्पादन मोठ्या कष्टानं घेऊन दाखवलं.

आता मागच्या काही दिवसांपासून सोयाबीन बाजारात विक्रीला यायला सुरूवात झाली आहे. मात्र अजूनही हवा तसा भाव मिळत नाहीये. शेतकऱ्यांना सोयाबीनला चांगला भाव  मिळेल अशी अपेक्षा असल्याने अनेकांनी सध्या सोयाबीन बाजारात आणायचे नाही, असा वेट ॲन्ड वॉचचा निर्णय घेतला आहे.

दरम्यान आज दिनांक ७ ऑक्टोबर २३ रोजी सकाळच्या सत्रात राज्यातील प्रमुख बाजारसमित्यांमध्ये सोयाबीने लिलाव झाले. लातूर बाजारपेठेत आज सोयाबीन पोटलीचा भाव ४६०० रुपये असा होता.

हिंगोली बाजारपेठेत सोयाबीनला सरासरी ४३७५ असा भाव मिळाला. भोकरदनच्या बाजारपेठेत आज सोयाबीनने चांगलाच भाव खाल्याचे दिसून आले. आज या ठिकाणी पिवळ्या सोयाबीनची १४ क्विंटल आवक झाली. कमीत कमी बाजारभाव ४८०० रुपये, जास्तीत जास्त ५ हजार रुपये, तर सरासरी ४९०० रुपये प्रति क्विंटल असे होते.

राज्यातील सोयाबीनचे निवडक बाजारभाव आज असे आहेत:

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
जळगाव - मसावत	---	क्विंटल	28	3900	3900	3900
अमरावती	लोकल	क्विंटल	3378	4400	4576	4488
हिंगोली	लोकल	क्विंटल	505	4180	4570	4375
चोपडा	पांढरा	क्विंटल	350	3001	4426	4152
अकोला	पिवळा	क्विंटल	1540	4100	4470	4400
चिखली	पिवळा	क्विंटल	356	4200	4500	4350
पैठण	पिवळा	क्विंटल	4	3920	3920	3920
भोकरदन	पिवळा	क्विंटल	14	4800	5000	4900
भोकर	पिवळा	क्विंटल	3	4225	4445	4335
मुर्तीजापूर	पिवळा	क्विंटल	600	4280	4495	4330
परतूर	पिवळा	क्विंटल	178	4500	4620	4600
औराद शहाजानी	पिवळा	क्विंटल	231	4560	4688	4624
चांदूर-रल्वे.	पिवळा	क्विंटल	135	4000	4500	4300
आष्टी-जालना	पिवळा	क्विंटल	44	4180	4500	4400