कांदाबाजारभावात मागील दिवसांच्या तुलनेत सद्यस्थितीत समाधानकारक भाव मिळत असल्याचे चित्र पाहायला मिळत आहे. मात्र अपेक्षित अशा बाजारभावाची शेतकऱ्यांना प्रतीक्षा आहे. हळूहळू उन्हाळ कांदा देखील बाजारात येऊ लागला असून या कांद्याला चांगला भाव मिळेल अशी अशा शेतकरी करू लागले आहेत. आजच्या दर अहवालानुसार लासलगाव बाजार समितीत सरासरी 1740 रुपयांचा बाजारभाव मिळाला आहे. या आठवड्यातील बुधवारी देखील हाच भाव मिळाला होता.
आज 02 मार्च 2024 रोजी नाशिक जिल्ह्यातील महत्वाच्या बाजार समित्यांचा विचार केला तर केवळ 55 हजार क्विंटल कांद्याची आवक झाली आहे. याच आठवड्यातील बुधवारी जवळपास एक लाख दहा हजार टनाहून अधिक कांद्याची आवक झाली. त्यामुळे दोन दिवसात पुन्हा निम्म्याहून आवक घटल्याचे दिसून आले. तर राज्यातील सर्वाधिक आवक पिंपळगाव बाजार समितीत 14 हजार क्विंटल इतकी आवक झाली. तर सर्वात खालोखाल लासलगाव विंचूर बाजार समितीत कांद्याची आवक झाली. एकूण मागील दोन दिवसांच्या तुलनेत आज आवक घटल्याचे दिसून आले.
तर आज लासलगाव बाजार समितीमध्ये लाल कांद्याला सरासरी 1740 रुपयांचा बाजारभाव मिळाला. सोलापूर बाजार समितीत सरासरी 1300 रुपये बाजारभाव मिळाला. पुणे -पिंपरी बाजार समितीत एकूण 1400 क्विंटल कांद्याची आवक झाली. तर पुणे-मोशी बाजार समितीत सर्वात कमीत बाजारभाव म्हणजेच 1000 रुपयांचा बाजारभाव मिळाला. आज सर्वाधिक बाजारभाव कराड बाजार समितीत हालवा कांद्याला 2000 रुपयांचा बाजारभाव मिळाला. विशेष म्हणजे आज हालवा कांद्यासह उन्हाळ कांद्याची आवक पाहायला मिळाली. रामटेक बाजार समितीत उन्हाळ कांद्याची 5 क्विंटल आवक झाली. या ठिकाणी कमीत कमी 1800 तर सरासरी 1900 रुपयांचा बाजारभाव मिळाला.
असे आहेत राज्यातील कांदा बाजारभाव
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 02/03/2024 | ||||||
| कोल्हापूर | --- | क्विंटल | 9284 | 700 | 2000 | 1300 |
| अकोला | --- | क्विंटल | 505 | 1200 | 2000 | 1600 |
| छत्रपती संभाजीनगर | --- | क्विंटल | 2320 | 600 | 1700 | 1150 |
| विटा | --- | क्विंटल | 30 | 1500 | 1800 | 1750 |
| कराड | हालवा | क्विंटल | 123 | 400 | 2000 | 2000 |
| सोलापूर | लाल | क्विंटल | 8287 | 100 | 2200 | 1300 |
| येवला | लाल | क्विंटल | 12000 | 500 | 1796 | 1600 |
| येवला -आंदरसूल | लाल | क्विंटल | 5000 | 300 | 1826 | 1650 |
| धुळे | लाल | क्विंटल | 1174 | 150 | 1850 | 1670 |
| लासलगाव - विंचूर | लाल | क्विंटल | 12500 | 700 | 1851 | 1700 |
| जळगाव | लाल | क्विंटल | 1078 | 550 | 1902 | 1312 |
| नागपूर | लाल | क्विंटल | 1240 | 1500 | 2000 | 1750 |
| सिन्नर - नायगाव | लाल | क्विंटल | 263 | 500 | 1780 | 1650 |
| राहूरी -वांबोरी | लाल | क्विंटल | 1287 | 200 | 1900 | 1100 |
| मनमाड | लाल | क्विंटल | 2300 | 500 | 1821 | 1550 |
| जामखेड | लाल | क्विंटल | 1979 | 200 | 2200 | 1200 |
| पिंपळगाव(ब) - सायखेडा | लाल | क्विंटल | 5940 | 600 | 1812 | 1675 |
| पेन | लाल | क्विंटल | 420 | 2000 | 2200 | 2000 |
| भुसावळ | लाल | क्विंटल | 13 | 1000 | 1500 | 1200 |
| अमरावती- फळ आणि भाजीपाला | लोकल | क्विंटल | 480 | 500 | 2100 | 1300 |
| पुणे -पिंपरी | लोकल | क्विंटल | 3 | 1400 | 1400 | 1400 |
| पुणे-मोशी | लोकल | क्विंटल | 496 | 500 | 1500 | 1000 |
| वाई | लोकल | क्विंटल | 10 | 800 | 2000 | 1400 |
| शेवगाव | नं. १ | नग | 1130 | 1200 | 1700 | 1200 |
| शेवगाव | नं. २ | नग | 630 | 900 | 1100 | 1100 |
| शेवगाव | नं. ३ | नग | 442 | 300 | 800 | 800 |
| नागपूर | पांढरा | क्विंटल | 1000 | 1600 | 2000 | 1900 |
| पिंपळगाव बसवंत | पोळ | क्विंटल | 14000 | 300 | 1935 | 1650 |
| रामटेक | उन्हाळी | क्विंटल | 5 | 1800 | 2000 | 1900 |