गेल्या काही दिवसांपासून ज्वारीची आवक घटल्याचे चित्र पाहायला मिळत आहे. शनिवारी चौदा हजार क्विंटल ज्वारीची आवक झाली होती. आज आठवड्याचा पहिला दिवस असून अद्यापपर्यंत केवळ साडेचार हजार क्विंटल ज्वारीची आवक झाल्याचे पणन मंडळाच्या अधिकृत संकतेस्थळावर पाहायला मिळत आहे. आजच्या अधिकृत माहितीनुसार सरासरी 2 हजार पासून ते 5 हजार रुपयांपर्यंत दर मिळाला. यात मालदांडी वाणाला सर्वाधिक दर मिळत असल्याचे चित्र आहे.
आज 11 मार्च 2024 च्या बाजार दर अहवालानुसार राज्यातील बाजार समित्यां मिळून जवळपास 4 हजार 667 इतकी आवक झाली. बाजार समित्यामध्ये दादर, हायब्रीड, मालदांडी, पांढरी, शाळू अशा ज्वारीची आवक झाली. आजच्या दिवसातील सर्वाधिक 1800 क्विंटलची आवक चाळीसगाव बाजार समितीत पांढऱ्या ज्वारीची झाली. त्याखालोखाल जळगाव बाजार समितीत दादर ज्वारीची आवक झाली. आजच्या दिवसातील सर्वाधिक 5 हजार 50 रुपयांचा बाजारभाव पुणे बाजार समितीत मालदांडी या वाणाला मिळाला. मात्र आज तब्बल दोनशे रुपयांची घसरण झाल्याचे दिसून आले. त्या खालोखाल मंगळवेढा बाजार समितीत 3 हजार 800 रुपयांचा बाजारभाव मिळाला आहे. तर सर्वात कमी 1700 रुपयांचा बाजारभाव परतूर बाजारसमितीत शाळू ज्वारीला मिळाला.
या जिल्ह्यात सर्वाधिक आवक
पणन मंडळाच्या माहितीनुसार आज जळगाव जिल्ह्यात सर्वाधिक ज्वारीची आवक झाली. यात पांढरी ज्वारीची 1800 क्विंटल आवक झाली. या ज्वारीला सरासरी 2200 रुपये दर मिळाला. हायब्रीड ज्वारीची 132 क्विंटल आवक झाली. या ज्वारीला 2251 रुपये भाव मिळाला. दादर या ज्वारीची 773 क्विंटल आवक झाली. या ज्वारीला सरासरी 2738 रुपये भाव मिळाला. अमरावती बाजार समितीत लोकल ज्वारीची केवळ तीन क्विंटल आवक झाली. आज देखील मालदांडी ज्वारीसह शाळू ज्वारीला चांगला आणि सर्वाधिक भाव मिळाला. मात्र मागील दोन दिवसांच्या तुलनेत आज बाजारभाव घसरल्याचे दिसून आले.
असे आहेत ज्वारीचे दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 11/03/2024 | ||||||
| जळगाव | दादर | क्विंटल | 747 | 2510 | 3350 | 3000 |
| जलगाव - मसावत | दादर | क्विंटल | 26 | 2475 | 2475 | 2475 |
| धुळे | हायब्रीड | क्विंटल | 84 | 1890 | 2326 | 2270 |
| जलगाव - मसावत | हायब्रीड | क्विंटल | 132 | 2111 | 2325 | 2251 |
| अमरावती | लोकल | क्विंटल | 3 | 2500 | 2750 | 2625 |
| पुणे | मालदांडी | क्विंटल | 670 | 4800 | 5300 | 5050 |
| नांदगाव | मालदांडी | क्विंटल | 30 | 1800 | 2715 | 2050 |
| मंगळवेढा | मालदांडी | क्विंटल | 289 | 2800 | 3980 | 3800 |
| परांडा | मालदांडी | क्विंटल | 18 | 2850 | 3380 | 3100 |
| मालेगाव | पांढरी | क्विंटल | 21 | 2070 | 2275 | 2275 |
| चाळीसगाव | पांढरी | क्विंटल | 1800 | 2050 | 2385 | 2200 |
| औराद शहाजानी | पांढरी | क्विंटल | 5 | 2500 | 3200 | 2850 |
| मुरुम | पांढरी | क्विंटल | 74 | 2500 | 4300 | 3400 |
| तुळजापूर | पांढरी | क्विंटल | 90 | 2500 | 4000 | 3500 |
| पाथरी | पांढरी | क्विंटल | 33 | 2025 | 2350 | 2200 |
| दुधणी | पांढरी | क्विंटल | 227 | 2040 | 3450 | 3000 |
| परतूर | शाळू | क्विंटल | 20 | 1500 | 1900 | 1700 |