लासलगाव बाजार समितीत कांदा घसरला, आज कुठे, काय बाजारभाव मिळाला? 

सरकारच्या संभ्रमतेमुळे कांदा उत्पादक शेतकऱ्यांना आर्थिक फटका बसत असून आज कांदा दरात घसरण पाहायला मिळाली.

एकीकडे केंद्र शासनाने निर्यात खुली झाल्याची घोषणा केल्यानंतर बाजार समित्यांमध्ये कांद्याला समाधानकारक भाव मिळू लागला होता. मात्र याबाबतचे नोटिफिकेशन अद्याप निघाले नाही. दुसरीकडे निर्यात बंदी 31 मार्चपर्यंत कायम असल्याचे देखील सांगण्यात आले. त्यामुळे पुन्हा एकदा कांदा दरात घसरण सुरु झाली असून आज लासलगाव बाजार समितीमध्ये दोनशे रुपयांची घसरण झाल्याचे पाहायला मिळाले. काल लासलगाव बाजार समितीमध्ये सरासरी 1650 रुपये भाव मिळाला. मात्र आज 1451 रुपयांचा बाजारभाव मिळाला. त्यामुळे सरकारच्या धोरणात शेतकऱ्यांना मात्र आर्थिक फटका बसत आहे. 

आज 21 फेब्रुवारी 2024 रोजी लासलगाव बाजार समितीमध्ये लाल कांद्याची 9 हजार 146 क्विंटल इतकी आवक झाली तर कमीत कमी 700 रुपये प्रतिक्विंटल दर मिळाला तर सरासरी 1451 रुपये प्रति क्विंटल दर मिळाला. तर येवला बाजार समिती 10 हजार क्विंटल लाल कांद्याची आवक झाली तर कमीत कमी दर 600 रुपये मिळाला तर सरासरी 1400 रुपये प्रति क्विंटल बाजार भाव मिळाला. देवळा बाजार समितीत 2080 क्विंटल आवक झाली. या ठिकाणी कमीत कमी 300 रुपये दर मिळाला. तर सरासरी 1300 रुपये दर मिळाला. पिंपळगाव बसवंत बाजार समितीमध्ये आज पोळ कांद्याची 11 हजार क्विंटल आवक झाली. या कांद्याला कमीत कमी 400 रुपये तर सरासरी 1470 दर मिळाला. 

लासलगावसह पिंपळगाव बाजारसमितीत घसरण 

एकूणच कालच्या आजच्या दराचा जर विचार केला तर काल लासलगाव बाजार समितीमध्ये प्रति क्विंटलला 1650 रुपये भाव मिळाला होता. आज थेट दोनशे रुपयांची घसरण भाव 1451 रुपयांवर आला. तर पिंपळगाव बाजारसमितीमध्ये पोळ कांद्याला आज 1470 रुपये भाव मिळाला. मात्र आजच्या तुलनेत कालचा बाजारभाव 1600 रुपये होता. म्हणजे या बाजार समितीत देखील जवळपास 130 रुपयांची घसरण पाहायला मिळाली. 

राज्यातील कांदा बाजारभाव
सोलापूर बाजार समितीत केवळ 18 हजार 278    क्विंटल आवक झाली. या ठिकाणी कमीत कमी 200 रुपये दर मिळाला. आणि सरासरी दर 1300 रुपये मिळाला. मंगळवारी याच बाजार समितीत 1900 रुपये बाजारभाव मिळाला होता. म्हणजेच आज जवळपास 600 रुपयांची घसरण झाली. पुणे बाजार समितीत 13 हजार 227 क्विंटल आवक झाली. या ठिकाणी कमीत कमी 600 रुपये दर मिळाला. आणि सरासरी दर देखील 1300 रुपये दर मिळाला. मुंबई - कांदा बटाटा मार्केटमध्ये आज लाल कांद्याची 7 हजार 567 क्विंटल आवक झाली. या कांद्याला कमीत कमी 1500 रुपये तर सरासरी 1750 दर मिळाला. छत्रपती संभाजीनगर बाजार समितीमध्ये 940 क्विंटल कांद्याची आवक झाली. या बाजार समितीत कमीत कमी 500 रुपये तर सरासरी केवळ 1350 रुपये दर मिळाला.

राज्यातील आजचे कांदा बाजारभाव

 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
21/02/2024
अकलुज	---	क्विंटल	125	500	2200	1300
कोल्हापूर	---	क्विंटल	2793	700	2400	1600
छत्रपती संभाजीनगर	---	क्विंटल	940	500	2200	1350
मुंबई - कांदा बटाटा मार्केट	---	क्विंटल	7567	1500	2000	1750
हिंगणा	---	क्विंटल	3	2000	3000	3000
बारामती	लाल	क्विंटल	181	400	2121	1600
येवला	लाल	क्विंटल	10000	600	1600	1400
येवला -आंदरसूल	लाल	क्विंटल	4000	500	1650	1450
लासलगाव	लाल	क्विंटल	9146	700	1645	1451
मालेगाव-मुंगसे	लाल	क्विंटल	5500	700	1530	1300
नागपूर	लाल	क्विंटल	2000	1600	2200	2050
सिन्नर - नायगाव	लाल	क्विंटल	610	500	1700	1400
चांदवड	लाल	क्विंटल	3200	785	1650	1450
पिंपळगाव(ब) - सायखेडा	लाल	क्विंटल	5890	600	1600	1450
दिंडोरी-वणी	लाल	क्विंटल	2087	1500	2350	1851
देवळा	लाल	क्विंटल	2080	300	1440	1300
सांगली -फळे भाजीपाला	लोकल	क्विंटल	2444	500	2400	1450
पुणे	लोकल	क्विंटल	13227	600	2000	1300
चाळीसगाव-नागदरोड	लोकल	क्विंटल	4000	1200	1622	1550
मंगळवेढा	लोकल	क्विंटल	140	400	2500	1500
कामठी	लोकल	क्विंटल	24	1000	2000	1500
नागपूर	पांढरा	क्विंटल	1360	1700	2300	2150
पिंपळगाव बसवंत	पोळ	क्विंटल	11000	400	1870	1470