बाजार समित्या बंद, आजचे कांदा बाजारभाव काय? 

केंद्राच्या निर्यातबंदीनंतर आजपासून अनेक बाजार समित्यांमध्ये कांदा लिलाव बंद ठेवण्यात आले. त्यामुळे कोट्यवधींची उलाढाल ठप्प झाल्याचे चित्र होते. त्यानंतर केवळ एक दोन बाजार समित्यांमध्ये लिलाव पार पडले. त्यानुसार आज लाल कांद्याला सरासरी 2600 रुपये बाजार भाव मिळाला. तर पिंपळगाव बसवंत बाजार समितीमध्ये उन्हाळ कांद्याला 3900 रुपये प्रति क्विंटल भाव मिळाला. 

एकीकडे केंद्र सरकराने कांदा निर्यातीवर बंदी घातल्यानंतर शेतकरी, व्यापारी वर्ग पुन्हा आक्रमक झाला आहे. नाशिक जिल्ह्यातील बहुतांश बाजार समित्यांमध्ये कांदा लिलाव बंद होते. त्यामुळे आजचे बाजारभाव नेमके समजू शकले नाही. मात्र लासलगाव-विंचूर आणि पिंपळगाव बसवंत बाजार समितीत सकाळी आणि दुपारी कांद्याचे लिलाव पार पडले. त्यानुसार आज लाल कांद्याला सरासरी 2600 रुपये भाव मिळाला. तर पिंपळगाव बसवंत बाजार समितीमध्ये उन्हाळ कांद्याला 3900 रुपये प्रति क्विंटल भाव मिळाला. त्यानुसार निर्यात बंदीच्या निर्णयामुळे बाजारभावात मोठी तफावत पाहायला मिळाली. त्यामुळे आता लिलाव कधी सुरु होणार याकडे लक्ष लागून आहे. 

तर महाराष्ट्रातील इतर जिल्ह्यांची आकडेवारी पाहिली असता कोल्हापूर जिल्ह्यात 6903 क्विंटल कांद्याची अवाक झाली. तर कमीत कमी 1500 रुपये दर मिळाला.     जास्तीत जास्त 4500 रुपये दर मिळाला. तर सरासरी 2600 रुपये प्रति क्विंटल इतका भाव मिळाला. अकोला जिल्ह्यात 1140 क्विंटल कांद्याची आवक झाली. या ठिकाणी कमीत कमी 2000 बाजारभाव मिळाला. तर जास्तीत जास्त 3500 रुपये, तर सरासरी प्रति क्विंटल कांद्याला 2800 रुपये बाजारभाव मिळाला. छत्रपती संभाजीनगरला सरासरी 2500 रुपये, बारामती सरासरी 3000 रुपये, जळगावला सरासरी 1500 रुपये, नागपूरला सरासरी 3625 रुपये, अमरावती- फळ आणि भाजीपाला सरासरी 2600 रुपये, पुणे -पिंपरी सरासरी 3600 रुपये दर मिळाला. 

केंद्राच्या निर्यातबंदीनंतर राज्यातील आजचे कांद्याचे बाजारभाव 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
कोल्हापूर	---	क्विंटल	6903	1500	4500	2600
अकोला	---	क्विंटल	1140	2000	3500	2800
छत्रपती संभाजीनगर	---	क्विंटल	2310	1200	3800	2500
विटा	---	क्विंटल	45	3000	4500	3750
हिंगणा	---	क्विंटल	2	2200	2200	2200
कराड	हालवा	क्विंटल	201	3500	4500	4500
बारामती	लाल	क्विंटल	627	1000	4000	3000
लासलगाव - विंचूर	लाल	क्विंटल	5950	1000	3000	2600
जळगाव	लाल	क्विंटल	1768	527	2377	1500
धाराशिव	लाल	क्विंटल	29	1100	3500	2350
पंढरपूर	लाल	क्विंटल	262	400	4000	2500
नागपूर	लाल	क्विंटल	1380	2500	4000	3625
राहूरी -वांबोरी	लाल	क्विंटल	1851	500	3500	2500
अमरावती- फळ आणि भाजीपाला	लोकल	क्विंटल	510	1000	4200	2600
पुणे -पिंपरी	लोकल	क्विंटल	3	3600	3600	3600
पुणे-मोशी	लोकल	क्विंटल	568	1000	3500	2250
नागपूर	पांढरा	क्विंटल	1000	3000	4000	3750
पिंपळगाव बसवंत	पोळ	क्विंटल	2300	1200	3225	2500
पिंपळगाव बसवंत	उन्हाळी	क्विंटल	400	1351	4382	3900
भुसावळ	उन्हाळी	क्विंटल	9	2000	3000	2500