Soyabean Market : जुन्या सोयाबीनची आवक घटली, दरात समाधानकारक सुधारणा, वाचा सविस्तर 

Soyabean Market : गेल्या काही महिन्यांपासून 4200 रुपयांपर्यंत खाली घसरलेल्या सोयाबीनच्या दरात अचानक आठवडाभरात सुधारणा झाली आहे.

जळगाव : गेल्या काही महिन्यांपासून ४२०० रुपयांपर्यंत खाली घसरलेल्या सोयाबीनच्या दरात (Soyabean Market) अचानक आठवडाभरात सुधारणा झाली आहे. काही आठवडे ४२०० रुपयांचे दर आता ४५०० रुपयांपर्यंत पोहचले आहेत. जळगाव बाजार समितीमध्ये गेल्या आठवडाभरातच सोयाबीनचे दर ३०० रुपयांनी वाढले असल्याची माहिती बाजार समितीचे सचिव प्रमोद काळे यांनी दिली आहे. 

यंदाच्या हंगामातील सोयाबीन (Soyabean Bajarbhav) बाजारात दाखल होण्यास अद्याप १५ ते २० दिवसांचा आहे. अशात बाजार समित्यांत जुन्या सोयाबीनची आवक घटली आहे. बाजार समित्यांत सोयाबीनची आवक घटत असल्याने दरात वाढ होत असली तरी हमीभावापेक्षा कमीच दर मिळत असल्याने शेतकरी चिंतेत आहे. २०२३- २४ या वर्षासाठी ४६०० रुपयांचा हमीभाव निश्चित करण्यात आला होता. मात्र, सध्यस्थितीत शेतकऱ्यांना हमीभावदेखील मिळत नाही. केंद्र शासनाने २०२४-२५ या वर्षासाठी सोयाबीनला ४ हजार ८९२ रुपयांपर्यंतचा हमीभाव निश्चित केला आहे.

खाद्यतेलाच्या मागणीत वाढीचा परिणाम आंतरराष्ट्रीय स्तरावर खाद्य तेलाच्या मागणीत वाढ होत आहे. त्यामुळेच सोयाबीनच्या तेलाचे दरही मागील काही दिवसांपासून काहीसे वाढत आहेत. याचा परिणाम बाजारावर होत असून, मागणीच्या तुलनेत २ सोयाबीनचा पुरवठा कमी असल्याने सोयाबीनच्या दरात आता वाढ होत असल्याचे व्यापाऱ्यांकडून सांगण्यात आले. यापुढेही सोयाबीनच्या दरात सुधार होण्याची शक्यता व्यापाऱ्यांनी वर्तविली आहे.

बाजार समितीत सोयाबीनची आवक कमी आहे. जी आवक सुरु आहे, ती देखील गेल्या हंगामातील सोयाबीनची आहे. गेल्या आठवडाभरात सोयाबीनची मागणी वाढत जात आहे. त्यामुळे आठवडाभरातच सोयाबीनचे दर ३०० रुपयांनी वाढून ४५०० रुपयांपर्यंत पोहचले आहेत. दरम्यान, नवीन सोयाबीनची आवकला अजून १५ दिवसांचा वेळ लागेल. - प्रमोद काळे, सचिव, बाजार समिती, जळगाव

वाचा आजचे बाजारभाव 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
18/09/2024
कारंजा	---	क्विंटल	2000	4190	4690	4470
तुळजापूर	---	क्विंटल	50	4550	4550	4550
अमरावती	लोकल	क्विंटल	2112	4450	4550	4500
सांगली	लोकल	क्विंटल	13	4900	5200	5050
हिंगोली	लोकल	क्विंटल	413	4331	4700	4515
मेहकर	लोकल	क्विंटल	1070	4100	4625	4500
ताडकळस	नं. १	क्विंटल	135	4400	4600	4500
यवतमाळ	पिवळा	क्विंटल	215	4205	4650	4427
वाशीम - अनसींग	पिवळा	क्विंटल	150	4350	4550	4400
भोकर	पिवळा	क्विंटल	13	4350	4350	4350
हिंगोली- खानेगाव नाका	पिवळा	क्विंटल	65	4500	4550	4525
दिग्रस	पिवळा	क्विंटल	5	4100	4205	4190
सावनेर	पिवळा	क्विंटल	2	4299	4299	4299
परतूर	पिवळा	क्विंटल	26	4400	4650	4500
देउळगाव राजा	पिवळा	क्विंटल	13	4000	4555	4400
आंबेजोबाई	पिवळा	क्विंटल	100	4580	4600	4590
बुलढाणा	पिवळा	क्विंटल	160	4000	4425	4200
आष्टी-जालना	पिवळा	क्विंटल	65	4000	4590	4200
सोनपेठ	पिवळा	क्विंटल	78	4250	4500	4400