होळीला लाल-पांढऱ्या तुरीची आवक, सरासरी भाव काय मिळाला? 

आज होळीच्या दिवशी दुपारी सहा वाजेपर्यंत चार बाजार समित्यांमध्ये दीडशे क्विंटल तुरीची आवक झाली.

आज होळी आणि रविवार असल्याने निवडक बाजार समित्यांमध्ये तुरीची आवक झाली. दुपारी सहा वाजेपर्यंत चार बाजार समित्यांमध्ये दीडशे क्विंटल तुरीची आवक झाली. यात तुरीला सरासरी 9200 रुपये दर मिळाला. यात लाल आणि पांढऱ्या तुरीचा समावेश आहे. 

आज 24 मार्च रोजी पणन मंडळाच्या अधिकृत माहितीनुसार राज्यातील अजनगाव सुर्जी, वरोरा, वरोरा-खांबाडा, शेवगाव आदि बाजार समित्यांमध्ये तुरीची आवक झाली. यात अजनगाव सुर्जी बाजार समितीत 110 क्विंटल लाल तुरीची आवक झाली. या लाल तुरीला सरासरी 9700 रुपये दर मिळाला. वरोरा बाजार समितीत 4 क्विंटल तुरीची आवक झाली. तर सरासरी 8900 रुपये दर मिळाला. 

चंद्रपूर जिल्ह्यातील वरोरा-खांबाडा बाजार समितीत 12 क्विंटल लाल तर दाखल झाली होती. या तुरीला सरासरी 8900 रुपये दर मिळाला. तर शेवगाव बाजार समितीत 25 क्विंटल पांढऱ्या तुरीची आवक झाली. या तुरीला सरासरी 9300 रुपये दर मिळाला. काल पांढऱ्या तुरीला सरासरी 9 हजार रुपये दर मिळाला होता. विशेष म्हणजे एका बाजार समितीत 10 हजार रुपयांचा टप्पाही ओलांडला होता. 

असे आहेत आजचे तुरीचे दर 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
24/03/2024
अजनगाव सुर्जी	लाल	क्विंटल	110	9000	10150	9700
वरोरा	लाल	क्विंटल	4	8500	9300	8900
वरोरा-खांबाडा	लाल	क्विंटल	12	8500	9100	8900
शेवगाव	पांढरा	क्विंटल	25	9300	9300	9300
23/03/2024
लासलगाव - निफाड	---	क्विंटल	3	8400	9402	8499
राहूरी -वांबोरी	---	क्विंटल	1	8301	8301	8301
पैठण	---	क्विंटल	3	8500	9150	9000
उदगीर	---	क्विंटल	1031	10000	10636	10318
वैजापूर	---	क्विंटल	12	7000	9205	9000
देवणी	---	क्विंटल	8	9595	10090	9842
मुरुम	गज्जर	क्विंटल	180	9500	10166	9833
पिंपळगाव(ब) - पालखेड	हायब्रीड	क्विंटल	1	9200	9200	9200
सोलापूर	लाल	क्विंटल	3	8800	9710	8800
अकोला	लाल	क्विंटल	1605	8505	10560	9700