Tomato Market : राज्यातील बाजार समित्यांमध्ये टोमॅटोला काय भाव मिळतोय, वाचा सविस्तर 

बहुतांश शेतमालापैकी टोमॅटो पिकाला अगदी कवडीमोल भाव मिळत असल्याने शेतकरी संतप्त आहेत. आजच धुळे जिल्ह्यातील साक्री बाजार समितीत सकाळच्या सत्रात टोमॅटोच्याकॅरेटला अवघ्या पन्नास रुपयांचा लिलाव झाला. यामुळे संबंधित शेतकऱ्यांनी संतप्त होत रस्त्यावर टोमॅटो फेकून दिल्याचे समोर आले. आजच्या बाजारभाव अहवालानुसार राज्यातील बाजार समितीमध्ये टोमॅटोला क्विंटलमागे सरासरी 700 ते 1600 रुपये दर मिळाला. म्हणजेच प्रतिकिलोमागे 16 रुपये दर मिळाला. 

आज 30 एप्रिल रोजी पणन मंडळाच्या अधिकृत माहितीनुसार राज्यातील बाजार समित्यांमध्ये टोमॅटोची 8 हजार 726 क्विंटलची आवक झाली. आज सर्वसाधारण टोमॅटोला सरासरी 800 रुपये ते 1500 रुपये दर मिळाला. कल्याण बाजारात हायब्रीड टोमॅटोला सरासरी 1600 रुपये तर कळमेश्वर बाजारात सरासरी 1310 रुपये दर मिळाला. तर लोकल टोमॅटो सरासरी 950 रुपये ते 1525 रुपये दर मिळाला. 

नंबर एकच्या टोमॅटोला पनवेल बाजारात सरासरी 2100 रुपये, मुंबई बाजारात 1400 रुपये, इस्लामपूर बाजारात 1550 रुपये दर मिळाला. तर वैशाली टोमॅटोला जळगाव बाजार समितीत 700 रुपये, नागपूर बाजारात 1425 रुपये, कराड बाजारात समितीत 1200 रुपये, भुसावळ बाजार समितीत 800 रुपये दर मिळाला. एकूण सर्वच बाजार समित्यांचा विचार केला तर दहा रुपये ते 16 रुपये किलोपर्यंत दार मिळत असल्याचे चित्र आहे. 

असे आहेत टोमॅटोचे सविस्तर दर 

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
30/04/2024
कोल्हापूर	---	क्विंटल	214	1000	2000	1500
छत्रपती संभाजीनगर	---	क्विंटल	91	500	800	650
चंद्रपूर - गंजवड	---	क्विंटल	743	600	1200	1000
खेड-चाकण	---	क्विंटल	330	600	1000	800
सातारा	---	क्विंटल	64	1000	1500	1250
राहता	---	क्विंटल	63	500	1100	800
कल्याण	हायब्रीड	क्विंटल	3	1400	1800	1600
कळमेश्वर	हायब्रीड	क्विंटल	22	1020	1500	1310
पुणे- खडकी	लोकल	क्विंटल	2218	600	1300	950
पुणे -पिंपरी	लोकल	क्विंटल	25	1000	1200	1100
पुणे-मोशी	लोकल	क्विंटल	445	700	1000	850
नागपूर	लोकल	क्विंटल	900	1000	1700	1525
कामठी	लोकल	क्विंटल	34	900	1500	1200
पनवेल	नं. १	क्विंटल	481	2000	2200	2100
मुंबई	नं. १	क्विंटल	2300	1200	1600	1400
इस्लामपूर	नं. १	क्विंटल	61	1500	1600	1550
जळगाव	वैशाली	क्विंटल	110	500	1000	700
नागपूर	वैशाली	क्विंटल	500	1000	1500	1425
कराड	वैशाली	क्विंटल	51	1000	1200	1200
भुसावळ	वैशाली	क्विंटल	71	600	1000	800