राज्यातील अनेक बाजार समित्यांना आज धुलीवंदनाची सुट्टी असल्याने लिलाव बंद आहेत. नाशिक जिल्ह्यातील लासलगाव काही बाजार समित्या बंद असल्याने कांदा लिलाव देखील बंद आहेत. मात्र काही निवडक बाजारसमित्यामध्ये आज कांदा लिलाव पार पडले. त्यानुसार आज कांद्याला सरासरी 1200 रुपयापासून ते 1500 रुपयांपर्यंत भाव मिळाला.
आज 25 मार्च रोजी धूलिवंदन असल्याने बहुतांश बाजार समित्यांमध्ये लिलाव बंद होते. आज सोलापूर, विटा, पुणे -पिंपरी, वाई, मंगळवेढा, लासलगाव - विंचूर, पिंपळगाव बसवंत आदी बाजार समित्यांमध्ये कांद्याची आवक झाली. यात केवळ लोकल आणि उन्हाळ कांद्याचीच आवक झाली. या चार ते पाच बाजार समित्या मिळून जवळपास 16 हजाराहून अधिक क्विंटल कांद्याची आवक झाली. यात लाल कांद्याची सर्वाधिक आवक झाली. सोलापूर बाजार समितीत लाल कांद्याला सरासरी 1100 दर मिळाला.
पिंपळगाव बसवंत बाजार समितीत उन्हाळ कांद्याला सरासरी 1380 रुपये दर मिळाला. लासलगाव - विंचूर बाजार समितीमध्ये उन्हाळ कांद्याला सरासरी 1400 रुपये दर मिळाला. पुणे -पिंपरी बाजार समितीमध्ये लोकल कांद्याची आवक झाली. या ठिकाणी सरासरी 1500 रुपये दर मिळाला. विटा बाजार समितीत सर्वसाधारण कांद्याला सरासरी 1250 रुपये दर मिळाला. नाशिक बाजार समितीत उन्हाळ कांद्याला सरासरी 1350 रुपये दर मिळाला.
असे आहेत आजचे दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 25/03/2024 | ||||||
| विटा | --- | क्विंटल | 30 | 800 | 1500 | 1250 |
| सोलापूर | लाल | क्विंटल | 7957 | 200 | 2000 | 1100 |
| बारामती | लाल | क्विंटल | 260 | 300 | 1600 | 1100 |
| राहूरी -वांबोरी | लाल | क्विंटल | 639 | 200 | 1700 | 1000 |
| पुणे -पिंपरी | लोकल | क्विंटल | 2 | 1500 | 1500 | 1500 |
| वाई | लोकल | क्विंटल | 250 | 800 | 1500 | 1200 |
| मंगळवेढा | लोकल | क्विंटल | 94 | 200 | 1500 | 1250 |
| नाशिक | उन्हाळी | क्विंटल | 1363 | 550 | 1580 | 1350 |
| लासलगाव - विंचूर | उन्हाळी | क्विंटल | 2850 | 700 | 1500 | 1400 |
| पिंपळगाव बसवंत | उन्हाळी | क्विंटल | 3000 | 400 | 1432 | 1380 |