कांद्याचा प्रश्नावरून अद्यापही सरकार ठोस पाऊल उचलत नसल्याचे शेतकऱ्यांचे म्हणणे आहे. कारण गेल्या तीन महिन्यांपासून बाजारभावात सुधारणा नसल्याने शेतकरी चिंतेत आहेत. आता कुठे कांदा बाजारभाव काहीसा समाधानकारक असा मिळू लागला आहे. आजच्या बाजार अहवालानुसार लासलगाव बाजार समितीमध्ये लाल कांद्याला सरासरी 1860 रुपये बाजारभाव मिळाला. तर उन्हाळ कांद्याला 1810 रुपये बाजारभाव मिळाला.
आज 09 मार्च रोजी पणन मंडळाच्या अधिकृत माहितीनुसार कांद्याच्या आवकेत वाढ झाली असून सोलापूर बाजार समितीत सर्वाधिक 40 हजार क्विंटल कांद्याची आवक झाली. आज लाल, उन्हाळ, लोकल कांद्यासोबत हालवा आणि पांढऱ्या कांद्याची देखील आवक झाली. सोलापूर बाजार समिती सोडली इतर बाजार समित्यांमध्ये आज इतर दिवसांच्या तुलनेत आवक कमी झाल्याचे दिसून आले. मात्र सर्वच बाजार समित्यांचा विचार केला तर जवळपास दीड लाखाहून अधिक आवक झाली. सर्वात कमी आवक कामठी बाजार समितीत केवळ 4 क्विंटलची आवक झाली.
आजच्या दिवसातील सर्वाधिक 2 हजार रुपयांचा बाजारभाव कराड, कामठी आणि पेन बाजार समितीत मिळाला. यात हालवा, लोकल आणि लाल कांद्याचा समावेश आहे. तर सर्वात कमी 910 रुपयांचा बाजारभाव यावल बाजार समितीत लाल कांद्याला मिळाला. आज नागपूर बाजार समितीत पांढऱ्या कांद्याची 1000 क्विंटलची आवक झाली. या ठिकाणी सरासरी 1800 रुपये बाजारभाव मिळाला. पिंपळगाव बसवंत बाजार समितीत पोळ कांद्याची 9506 आवक झाली. या कांद्याला सरासरी 1800 रुपये बाजारभाव मिळाला.
उन्हाळ कांद्याला काय भाव मिळाला?
आज लासलगाव बाजार समितीसह राहूरी -वांबोरी, चांदवड, नेवासा -घोडेगाव, पिंपळगाव बसवंत, अहमदनगर बाजार समितीमध्ये उन्हाळ कांद्याची आवक झाली. सर्व बाजार समित्यांमध्ये 1200 रुपयांपासून ते 1800 रुपयापर्यंत बाजारभाव मिळाला. सर्वाधिक 1800 रुपयांचा बाजारभाव चांदवड बाजार समितीत मिळाला आहे. तर सर्वात कमी 1200 रुपये बाजारभाव राहूरी -वांबोरी या बाजार समितीत मिळाला.
असे आहेत कांदा बाजारभाव
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 09/03/2024 | ||||||
| कोल्हापूर | --- | क्विंटल | 9572 | 600 | 2000 | 1400 |
| अकोला | --- | क्विंटल | 250 | 1200 | 1800 | 1500 |
| छत्रपती संभाजीनगर | --- | क्विंटल | 1494 | 700 | 2000 | 1350 |
| कराड | हालवा | क्विंटल | 99 | 1500 | 2000 | 2000 |
| सोलापूर | लाल | क्विंटल | 40177 | 300 | 2300 | 1400 |
| बारामती | लाल | क्विंटल | 939 | 300 | 1651 | 1251 |
| येवला | लाल | क्विंटल | 10000 | 700 | 1938 | 1750 |
| येवला -आंदरसूल | लाल | क्विंटल | 2000 | 700 | 1862 | 1772 |
| धुळे | लाल | क्विंटल | 1177 | 200 | 1800 | 1600 |
| जळगाव | लाल | क्विंटल | 1725 | 700 | 1850 | 1500 |
| नागपूर | लाल | क्विंटल | 1800 | 1500 | 2000 | 1875 |
| सिन्नर - नायगाव | लाल | क्विंटल | 117 | 500 | 1880 | 1750 |
| चांदवड | लाल | क्विंटल | 6282 | 1135 | 2136 | 1850 |
| पिंपळगाव(ब) - सायखेडा | लाल | क्विंटल | 4831 | 600 | 1860 | 1720 |
| पेन | लाल | क्विंटल | 330 | 2000 | 2200 | 2000 |
| भुसावळ | लाल | क्विंटल | 15 | 1000 | 1500 | 1200 |
| यावल | लाल | क्विंटल | 1755 | 730 | 1075 | 910 |
| अमरावती- फळ आणि भाजीपाला | लोकल | क्विंटल | 369 | 500 | 2100 | 1300 |
| सांगली -फळे भाजीपाला | लोकल | क्विंटल | 9249 | 400 | 2000 | 1200 |
| पुणे -पिंपरी | लोकल | क्विंटल | 13 | 1400 | 1800 | 1600 |
| पुणे-मोशी | लोकल | क्विंटल | 605 | 700 | 1700 | 1200 |
| मंगळवेढा | लोकल | क्विंटल | 66 | 290 | 1400 | 1250 |
| कामठी | लोकल | क्विंटल | 4 | 1500 | 2500 | 2000 |
| नागपूर | पांढरा | क्विंटल | 1000 | 1600 | 2000 | 1800 |
| पिंपळगाव बसवंत | पोळ | क्विंटल | 9506 | 400 | 1999 | 1800 |
| राहूरी -वांबोरी | उन्हाळी | क्विंटल | 902 | 100 | 1900 | 1200 |
| चांदवड | उन्हाळी | क्विंटल | 667 | 1600 | 1931 | 1800 |
| नेवासा -घोडेगाव | उन्हाळी | क्विंटल | 8183 | 400 | 2000 | 1600 |
| पिंपळगाव बसवंत | उन्हाळी | क्विंटल | 911 | 1600 | 1916 | 1700 |