कापसाला किती मिळतोय दर?

राज्यभरातील कापसाच्या दराची स्थिती जाणून घ्या

कांदा, सोयाबीननंतर सध्या कापसाचे दरही कमी झाले असून आजच्या पणन मंडळाच्या उपलब्ध माहितीनुसार आज केवळ एका बाजार समितीमध्ये हमीभावापेक्षा जास्त दर मिळाला आहे. तर इथर बाजार समित्यांमध्ये चक्क ७ हजारांपेक्षा कमी दर कापसाला मिळाला. त्यातच केंद्र सरकारकडून कापसांच्या गाठीची आयात झाल्यामुळे कापसाचे दर कमीच राहणार असल्याची शक्यता वर्तवण्यात येत आहे. 

दरम्यान, लांब धाग्याच्या कापसाला ७ हजार २० रूपये हमीभाव जाहीर करण्यात आला आहे. आज मध्यम स्टेपल, लांब स्टेपल, लोकल, ए.के.एच. ४ - लांब स्टेपल, एकेए -८४०१ - मध्यम स्टेपल या कापसाची आवक बाजारात झाली होती. त्यामध्ये हिंगणघाट येथे आजच्या दिवसातील विक्रमी ७ हजार क्विंटल कापसाची आवक झाली होती. या ठिकाणी किमान ६ हजार तर कमाल ७ हजार १७० रूपये प्रतिक्विंटल एवढा दर मिळाला. हिंगणघाट बाजार समितीमध्ये ६ हजार ५०० रूपये सरासरी दर मिळाला आहे. 

आज अकोला बोरगावमंजू येथे सर्वांत जास्त ७ हजार २५० रूपये प्रतिक्विंटल सरासरी दर मिळाला असून ७ हजार ४०० रूपये कमाल दर मिळाला. तर संगमनेर बाजार समितीमध्ये ६ हजार १५० रूपये प्रतिक्विंटल एवढा सरासरी दर मिळाला. हा आजच्या दिवसातील राज्यातील सर्वांत कमी सरासरी दर होता.

आजचे कापसाचे सविस्तर दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
27/12/2023
संगमनेर	---	क्विंटल	100	5500	6800	6150
राळेगाव	---	क्विंटल	4000	6500	7020	6900
भद्रावती	---	क्विंटल	602	6800	7020	6910
हिंगणा	एकेए -८४०१ - मध्यम स्टेपल	क्विंटल	9	6650	6650	6650
आष्टी (वर्धा)	ए.के.एच. ४ - लांब स्टेपल	क्विंटल	364	6000	6900	6600
अकोला	लोकल	क्विंटल	126	5530	7021	6275
अकोला (बोरगावमंजू)	लोकल	क्विंटल	91	7100	7400	7250
उमरेड	लोकल	क्विंटल	274	6400	6870	6650
देउळगाव राजा	लोकल	क्विंटल	2990	6600	7145	6900
वरोरा	लोकल	क्विंटल	4502	6450	7060	6800
वरोरा-खांबाडा	लोकल	क्विंटल	2122	6450	7100	6850
काटोल	लोकल	क्विंटल	85	6500	6850	6700
सिंदी(सेलू)	लांब स्टेपल	क्विंटल	1215	6550	7045	6900
हिंगणघाट	मध्यम स्टेपल	क्विंटल	8000	6000	7170	6500
हिमायतनगर	मध्यम स्टेपल	क्विंटल	176	6600	6800	6700