कापसाचे दर हमीभावापेक्षा २ हजाराने कमी! जाणून घ्या आजचे सविस्तर दर

राज्यभरातले आजचे दर जाणून घ्या

मागच्या एका महिन्यापासून सतत कापसाचे दर उतरत असून त्यामध्ये आता जास्तच घसरण झाल्याचं चित्र स्पष्ट झालंय. केंद्र सरकारने लांब धाग्याच्या कापसाला ७ हजार २० रूपये किमान आधारभूत किंमत जाहीर केली आहे. पण आजच्या पणन मंडळाच्या उपलब्ध माहितीनुसार एका बाजार समितीमध्ये तब्बल २ हजार रूपये कमी सरासरी दर कापसाला मिळाला आहे. त्यामुळे कापूस उत्पादकांचे कंबरडे मोडले असून शेतकऱ्यांना मोठ्या नुकसानीला सामोरे जावे लागत आहे. 

दरम्यान, आज मध्यम स्टेपल, लांब स्टेपल,लोकल, ए.के.एच. -४- लांब स्टेपल या कापसाची आवक झाली होती. त्यामध्ये हिंगणघाट येथे सर्वांधिक १० हजार ५०६ क्विंटल कापूस आवक झाला. तर बारामती बाजार समितीत कापसाला केवळ ५ हजार रूपये प्रतिक्विंटल सरासरी दर मिळाल्याची अधिकृत माहिती समोर आली आहे. बारामतीमध्ये केवळ ३ हजार रूपये प्रतिक्विंटल किमान दर मिळाला तर ६ हजार ३०० रूपये कमाल दर मिळाला आहे. 

अकोला बोरगावमंजू बाजार समितीमध्ये आजच्या दिवसातील सर्वाधिक कापसाचा दर होता. येथे ७ हजार १२२ रूपये प्रतिक्विंटल तर त्यापाठोपाठ अकोला बाजार समितीमध्ये ७ हजार २० रूपये प्रतिक्विंटल सरासरी दर मिळाला. आजच्या ए.के.एच. -४- लांब स्टेपल कापसाला आष्टी वर्धा बाजार समितीमध्ये ६ हजार ६५० रूपये सरासरी दर मिळाला आहे. बारामती येथे मिळालेला दर हा हमीभावापेक्षा तब्बल २ हजार रूपये प्रतिक्विंटलने कमी आहे.

आजचे कापसाचे सविस्तर दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
09/01/2024
सावनेर	---	क्विंटल	3500	6750	6750	6750
राळेगाव	---	क्विंटल	6100	6500	6920	6850
आष्टी (वर्धा)	ए.के.एच. ४ - लांब स्टेपल	क्विंटल	326	6000	6800	6650
अकोला	लोकल	क्विंटल	140	6850	7230	7020
अकोला (बोरगावमंजू)	लोकल	क्विंटल	98	6995	7250	7122
उमरेड	लोकल	क्विंटल	928	6500	6900	6700
नेर परसोपंत	लोकल	क्विंटल	59	6100	6100	6100
काटोल	लोकल	क्विंटल	242	6400	6800	6700
हिंगणा	लोकल	क्विंटल	28	6700	6800	6800
सिंदी(सेलू)	लांब स्टेपल	क्विंटल	1610	6550	7040	6850
बारामती	मध्यम स्टेपल	क्विंटल	9	3000	6300	5000
हिंगणघाट	मध्यम स्टेपल	क्विंटल	10506	6000	7160	6500
वर्धा	मध्यम स्टेपल	क्विंटल	2150	6550	7020	6800