पांढऱ्या सोन्याचे दर काही वाढेनात!

सध्या शेतकऱ्यांमध्ये नाराजी दिसून येत आहे. 

मागच्या अनेक दिवसांपासून शेतकरी कापसाचे दर वाढण्याच्या प्रतिक्षेत आहेत पण कापसाचे दर स्थिर आहेत. लांब धाग्याच्या कापसासाठी केंद्र सरकारने ७ हजार २० रूपये दर निश्चित केला असतानाही त्यापेक्षा कमी दरात कापूस खरेदी केला जात असल्याचं चित्र राज्यात आहे. यामुळे सध्या शेतकऱ्यांमध्ये नाराजी दिसून येत आहे. 

दरम्यान, आजच्या राज्यभरातील कापूस दराचा विचार केला तर फक्त दोन बाजार समित्यामध्ये ७ हजारांपेक्षा जास्त तर तीन बाजार समित्यांमध्ये ७ हजार रूपयांचा दर कापसाला मिळाला आहे. आजचा सर्वाधिक सरासरी दर हा ७ हजार १५० रूपये प्रतिक्विंटल एवढा होता. तर सर्वांत कमी दर ६ हजार ५४४ रूपये प्रतिक्विंटल एवढा होता. 

आज नवापूर आणि बारामती बाजार समितीत सर्वांत कमी किमान दर मिळाला आहे. या बाजार समित्यांमध्ये केवळ ५ हजार ५०० रूपये दर मिळालाय. तर हिंगणघाट आणि सिंधी (सेलू) बाजार समितीमध्ये सर्वाधिक ७ हजार २८५ रूपये प्रतिक्विंटल एवढा सरासरी दर मिळाला आहे. राळेगाव बाजार समितीमध्ये सर्वाधिक ३ हजार ७०० क्विंटल कापसाची आवक झाली होती.

आंतरराष्ट्रीय स्तरावरील उत्पादन कमी झालं असतानाही कापसाचे दर स्थिर असल्याने शेतकरी चिंतेत आहेत. तर जानेवारीच्या नंतर दर वाढण्याची शक्यता असल्याचं मत तज्ज्ञांनी व्यक्त केलं आहे. मात्र, अनेक शेतकऱ्यांना तोपर्यंत कापूस साठवून ठेवणे शक्य नसल्याने मिळेल त्या दरात कापूस विक्री होताना दिसत आहे. 

आजचे कापसाचे सविस्तर दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
08/12/2023
सावनेर	---	क्विंटल	2500	6850	6875	6875
नवापूर	---	क्विंटल	4	5500	5500	5500
राळेगाव	---	क्विंटल	3700	6600	7195	7000
भद्रावती	---	क्विंटल	39	6800	7050	6925
पारशिवनी	एच-४ - मध्यम स्टेपल	क्विंटल	267	6700	6900	6800
अकोला	लोकल	क्विंटल	18	7000	7000	7000
अकोला (बोरगावमंजू)	लोकल	क्विंटल	102	6950	7500	7000
उमरेड	लोकल	क्विंटल	150	6700	7000	6800
देउळगाव राजा	लोकल	क्विंटल	600	7000	7170	7075
वरोरा	लोकल	क्विंटल	1121	6400	7200	6800
वरोरा-खांबाडा	लोकल	क्विंटल	428	5800	7171	6800
काटोल	लोकल	क्विंटल	30	6700	7000	6900
हिंगणा	लोकल	क्विंटल	10	6500	6600	6544
सिंदी(सेलू)	लांब स्टेपल	क्विंटल	414	6900	7285	7150
बारामती	मध्यम स्टेपल	क्विंटल	32	5500	6751	6700
हिंगणघाट	मध्यम स्टेपल	क्विंटल	2000	6600	7285	6900
वर्धा	मध्यम स्टेपल	क्विंटल	815	6810	7100	6920
फुलंब्री	मध्यम स्टेपल	क्विंटल	110	6900	7100	7000