वर्षाच्या पहिल्याच दिवशी पांढऱ्या सोन्यानी केली नाराजी! जाणून घ्या आजचे कापसाचे दर

आजचे कापसाचे सविस्तर दर

नव्या वर्षाचा आजचा पहिला दिवस असून मागच्या वर्षीच्या तुलनेत या वर्षीच्या पहिल्याच दिवशी कापसाच्या दराने निच्चांकी गाठली आहे. केंद्र सरकारच्या कापूस गाठींच्या आयातीच्या धोरणामुळे शेतकऱ्यांना फटका बसत असून मातीमोल दराने शेतमाल विकावा लागत आहे. लांब धाग्याच्या कापसाला ७ हजार २० रूपये हमीभाव मिळाला असतानाही पणन मंडळाच्या आजच्या उपलब्ध माहितीनुसार केवळ ५ हजार ८५० रूपये सरासरी दर मिळाला आहे. 

दरम्यान, आज लोकल, मध्यम स्टेपल, लांब स्टेपल, एचकेएच - ४ - मध्यम स्टेपल, एच -४- मध्यम स्टेपल या कापसाची आवक बाजारात झाली होती. त्यामध्ये ५ हजार ८५० रूपये सरासरी दर हा संगमनेर बाजार समितीत मिळाला. तर पुलगाव बाजार समितीमध्ये ६ हजार ९५० रूपये प्रतिक्विंटल एवढा आजच्या दिवसातील सर्वांत जास्त सरासरी दर मिळाला. 

विशेष म्हणजे आज एकाही बाजार समितीमध्ये हमीभावाएवढा दर मिळाला नाही. त्यामुळे नव्या वर्षाचा पहिला दिवस शेतकऱ्यांसाठी नाराजीचा किंवा निराशाजनक ठरला आहे. अनेक शेतकऱ्यांनी मागच्या हंगामातील आणि या हंगामातील कापूस साठवून ठेवला आहे पण दर नसल्याने तो बाजारात काढला जात नाही. येणाऱ्या काळात कापसाला चांगला दर मिळण्याची आशा शेतकऱ्यांना लागलेली आहे. 

आजचे कापसाचे सविस्तर दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
01/01/2024
संगमनेर	---	क्विंटल	100	5500	6800	5850
सावनेर	---	क्विंटल	1500	6750	6775	6775
नवापूर	---	क्विंटल	292	6000	6150	6105
भद्रावती	---	क्विंटल	435	6750	7020	6885
आष्टी (वर्धा)	ए.के.एच. ४ - लांब स्टेपल	क्विंटल	390	6000	6900	6700
पारशिवनी	एच-४ - मध्यम स्टेपल	क्विंटल	580	6750	6825	6800
अकोला	लोकल	क्विंटल	142	5020	7000	6010
उमरेड	लोकल	क्विंटल	338	6600	6850	6750
देउळगाव राजा	लोकल	क्विंटल	3100	6600	7085	6900
काटोल	लोकल	क्विंटल	155	6000	6825	6750
हिंगणा	लोकल	क्विंटल	10	6067	6500	6500
सिंदी(सेलू)	लांब स्टेपल	क्विंटल	700	6550	7070	6920
पुलगाव	मध्यम स्टेपल	क्विंटल	6050	6500	7105	6950