कापसाचे दर तळाला, शेतकऱ्याची कोंडी; कुठेच मिळेना हमीभावाएवढा दर

आज कोणत्या बाजार समितीत किती मिळाला दर, घ्या जाणून

कापसाच्या दराने तळ गाठला असून सोयाबीन आणि कांदा दरही घटले आहेत. त्यामुळे शेतकऱ्यांना किमान आधारभूत किंमतही मिळताना दिसत नाही. जे व्यापारी किमान आधारभूत किंमतीपेक्षा कमी दराने कापसाची खरेदी करतील अशा व्यापाऱ्यांवर गुन्हे दाखल करण्याचे आदेश  राज्य सरकारकडून देण्यात आले आहेत. त्याचबरोबर सीसीआयकडून संथ गतीने कापसाची खरेदी सुरू असून राज्य पणन महासंघाने कापसाची खरेदी सुरू केली नसल्याने शेतकऱ्यांना मोठा फटका बसतोय.

दरम्यान, आज राज्यभरातील बाजार समित्यांमध्ये ए.के.एच. ४ - लांब स्टेपल, एच-४ - मध्यम स्टेपल, लोकल आणि मध्यम स्टेपल कापसाची आवक झाली होती. त्यामध्ये सिंदी-सेलू, हिंगणघाट,  देऊळगाव राजा आणि सावनेर या बाजार समितीमध्ये मोठ्या प्रमाणात कापसाची आवक झाली होती.

इतर बाजार समितीमध्ये १ हजार क्विंटलपेक्षा कमी कापसाची आवक झाली होती. त्यामध्ये आजच्या दिवसातील सर्वांत जास्त सरासरी दर हा अकोला बोरगावमंजू  बाजार समितीमध्ये ६ हजार ९९७ रूपये प्रतिक्विंटल एवढा होता. या ठिकाणी केवळ १४४ क्विंटल कापसाची आवक झाली होती. 

तर आजच्या दिवसातील सर्वांत कमी सरासरी दर हा आष्टी वर्धा बाजार समितीमध्ये मिळाला असून येथे शेतकऱ्यांना केवळ ५ हजार ५५० रूपये प्रतिक्विंटल सरासरी दर शेतकऱ्यांना मिळाला आहे. या बाजार समितीमध्ये केवळ १५० क्विंटल कापसाची आवक झाली होती. आज ६ हजार ३०० ते ६ हजार ८०० रूपयांच्या दरम्यान कापसाला सरासरी दर मिळाला आहे. 

आजचे सविस्तर कापसाचे दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
07/02/2024
सावनेर	---	क्विंटल	3500	6650	6650	6650
घणसावंगी	---	क्विंटल	220	5900	6900	6800
धारणी	ए.के.एच. ४ - लांब स्टेपल	क्विंटल	150	5500	5600	5550
आष्टी (वर्धा)	ए.के.एच. ४ - लांब स्टेपल	क्विंटल	503	6000	6700	6500
पारशिवनी	एच-४ - मध्यम स्टेपल	क्विंटल	852	6500	6700	6600
अकोला	लोकल	क्विंटल	113	6780	7011	6895
अकोला (बोरगावमंजू)	लोकल	क्विंटल	144	6800	7195	6997
उमरेड	लोकल	क्विंटल	761	6300	6610	6450
देउळगाव राजा	लोकल	क्विंटल	3961	6200	6900	6800
काटोल	लोकल	क्विंटल	285	5400	6700	6600
हिंगणघाट	मध्यम स्टेपल	क्विंटल	8000	6000	6985	6300
यावल	मध्यम स्टेपल	क्विंटल	197	6030	6710	6320
सिंदी(सेलू)	मध्यम स्टेपल	क्विंटल	3360	6550	6920	6850