आज कापसाला कुठेच मिळाला नाही हमीभावाएवढा दर!

जाणून घ्या आज कुठे आणि किती मिळाला कापसाला हमीभाव

मागच्या दोन महिन्यापासून  कापसाच्या दराने निच्चांकी गाठली असून राज्यभरात कुठेच हमीभाव मिळताना दिसत नाही. त्यामुळे शेतकऱ्यांचा कापूस मातीमोल दराने विक्री करावा लागत आहे. तर अनेक बाजार समित्यांमधील कापसाची आवकही कमी झाल्याची दिसत आहे. सध्या सरासरी दराचा विचार केला तर ६ हजार ४०० ते ६ हजार ८०० रूपयांच्या मध्ये दर मिळत आहे. 

दरम्यान, आज ए.के.एच. ४ - मध्यम स्टेपल, लोकल, मध्यम स्टेपल या कापसाची आवक झाली होती. यामध्ये सावनेर, देऊळगाव राजा, वरोरा-खांबाडा, वर्धा, सिंदी-सेलू या बाजार समितीमध्ये सर्वांत जास्त कापसाची आवक झाली होती. त्यामध्ये देऊळगावा राजा येथे सर्वांत जास्त ४ हजार १९५ क्विंटल कापसाची आवक झाली होती. पणन मंडळाच्या अद्ययावत माहितीनुसार आजच्या दिवसातील सर्वांत जास्त दर हा अकोला बोरगावमंजू बाजार समितीमध्ये ६ हजार ९४७ रूपये प्रतिक्विंटल एवढा होता. या ठिकाणी केवळ १५८ क्विंटल कापसाची  आवक झाली होती. 

तर आजच्या दिवसातील सर्वांत कमी सरासरी दर हा नेर परसोपंत बाजार समितीमध्ये ५ हजार ६०० रूपये प्रतिक्विंटल एवढा मिळाला. येथे केवळ १८ क्विंटल कापसाची आवक झाली होती. सध्या कापसाच्या दराची ही स्थिती पाहून शेतकरी हतबल झाले असून सरकारकडून कोणताही आधार शेतकऱ्यांना मिळताना दिसत नाही. सीसीआय आणि पणन महासंघाकडूनही राज्यातील शेतकऱ्यांना आधार नसल्याने शेतकरी संतप्त  झाले आहेत.

आजचे सविस्तर कापसाचे दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
08/02/2024
सावनेर	---	क्विंटल	3500	6650	6650	6650
भद्रावती	---	क्विंटल	456	6200	6650	6425
पांढरकवडा	ए.के.एच. ४ - मध्यम स्टेपल	क्विंटल	398	6620	6700	6650
मारेगाव	एच-४ - मध्यम स्टेपल	क्विंटल	892	6650	6850	6750
पारशिवनी	एच-४ - मध्यम स्टेपल	क्विंटल	656	6600	6700	6650
अकोला	लोकल	क्विंटल	105	6730	7000	6865
अकोला (बोरगावमंजू)	लोकल	क्विंटल	158	6700	7195	6947
उमरेड	लोकल	क्विंटल	496	6300	6660	6450
देउळगाव राजा	लोकल	क्विंटल	4195	6200	6950	6800
वरोरा-खांबाडा	लोकल	क्विंटल	1247	6000	6650	6400
नेर परसोपंत	लोकल	क्विंटल	18	5600	5600	5600
काटोल	लोकल	क्विंटल	324	5400	6700	6650
हिंगणा	लोकल	क्विंटल	36	6400	6600	6500
वर्धा	मध्यम स्टेपल	क्विंटल	2450	6350	6920	6600
हिमायतनगर	मध्यम स्टेपल	क्विंटल	146	6450	6550	6500
सिंदी(सेलू)	मध्यम स्टेपल	क्विंटल	2010	6500	6920	6850
फुलंब्री	मध्यम स्टेपल	क्विंटल	162	6650	6750	6700