आज कांद्याला केवळ साडेसात रूपये किलोचा भाव

जाणून घ्या राज्यभरातील कांद्याचे सविस्तर दर

केंद्र सरकारच्या धोरणामुळे कांदा उत्पादक शेतकऱ्यांची चोहोबाजूंनी कोंडी झाली असून शेतकऱ्यांना एका किलो कांद्यासाठी केवळ साडेसात रूपये मिळत असल्याचं समोर आली आहे. पणन मंडळाच्या अद्ययावत माहितीनुसार आज पुणे-मोशी बाजार समितीमध्ये सर्वांत कमी म्हणजे ७५० रूपये प्रतिक्विंटल सरासरी दर मिळाला आहे. निर्यातशुल्कात वाढ, त्यानंतर निर्यातबंदी यामुळे शेतकरी हैराण झाले आहेत. 

दरम्यान, आज उन्हाळी, लोकल, लाल, चिंचवड या कांद्याची आवक बाजारात झाली होती. त्यामध्ये आज पुणे बाजार समितीमध्ये २५ हजार ३४७ क्विंटल कांद्याची आवक झाली होती. तर येथे केवळ १ हजार १५० रूपये सरासरी दर मिळाला आहे. त्यापाठोपाठ पारनेर, जुन्नर - आळेफाटा आणि मंचर बाजार समितीमध्ये जास्त कांद्याची आवक झाली होती. आज जुन्नर - ओतूर बाजार समितीमध्ये १ हजार ८०० रूपये सरासरी दर मिळाला असून आजच्या दिवसातील हा उच्चांकी दर होता. 

भुसावळ बाजार समितीमध्ये १ हजार रूपये प्रतिक्विंटल एवढा सरासरी दर मिळाला आहे. तर उद्या (सोमवारी) आयोध्या येथे रामलल्लाची प्रतिष्ठापना होणार असल्याने राज्य सरकारने सार्वजनिक सुट्टी जाहीर केली आहे. त्यामुळे अनेक बाजार समित्यांना सुट्टी असणार आहे. तर आज रविवार असल्याने अनेक बाजार समित्या बंद होत्या. 

जाणून घ्या आजचे कांद्याचे सविस्तर दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
21/01/2024
मंचर	---	क्विंटल	11530	800	1700	1250
दौंड-केडगाव	---	क्विंटल	2110	500	2000	1500
जुन्नर	चिंचवड	क्विंटल	416	700	1600	1200
जुन्नर -आळेफाटा	चिंचवड	क्विंटल	16955	800	2110	1700
कोपरगाव	लाल	क्विंटल	9660	500	1400	1260
पारनेर	लाल	क्विंटल	24513	200	1800	1350
भुसावळ	लाल	क्विंटल	88	600	1200	1000
राहता	लाल	क्विंटल	1222	500	1600	1300
पुणे	लोकल	क्विंटल	25347	600	1700	1150
पुणे -पिंपरी	लोकल	क्विंटल	6	1200	1200	1200
पुणे-मांजरी	लोकल	क्विंटल	88	1500	2200	1700
पुणे-मोशी	लोकल	क्विंटल	749	300	1200	750
जुन्नर -ओतूर	उन्हाळी	क्विंटल	4370	500	2110	1800