कांदा, सोयाबीननंतर कापूस या राज्यातील सर्वांत मोठ्या पिकाचेही दर कमी असल्याने शेतकऱ्यांमध्ये नाराजी आहे. प्रतिक्विंटलमागे शेतकऱ्यांना २०० ते ५०० रूपयांचा तोटा सहन करावा लागत असून हमीभावापेक्षा कमी दरात कापसाची खरेदी केली जात आहे. मागच्या एका महिन्यापासून कापसाचे दर उतरले असून थेट सात हजारांच्या खाली आले आहेत.
दरम्यान, लांब धाग्याच्या कापसाला केंद्र सरकारकडून ७ हजार २० रूपयांचा हमीभाव देण्यात आला आहे. तरीसुद्धा हमीभावापेक्षा कमी दरात कापसाची विक्री शेतकऱ्यांकडून होत आहे. केंद्र सरकारने कापसाच्या गाठी आयात केल्यामुळे आणि आंतरराष्ट्रीय बाजारातील स्थिती कापसाचे दर पडण्याला कारणीभूत असल्याचं मत तज्ज्ञांनी व्यक्त केलं आहे.
आज ६ हजार १५० रूपये प्रतिक्विंटल एवढा सर्वांत कमी सरासरी दर संगमनेर बाजार समितीत मिळाला आहे. तर भद्रावती बाजार समितीत ७ हजार ७ रूपये प्रतिक्विंटल एवढा सरासरी दर मिळाला. एकाही बाजार समितीत हमीभावापेक्षा जास्त दर न मिळाल्याने शेतकऱ्यांची कोंडी झाली आहे. तर अनेक व्यापारी १०० ते २०० रूपये क्विंटलच्या पाठीमागे जास्त दर देऊन पैशांच्या वायद्यावर कापूस खरेदी करताना दिसत आहेत.
आजचे कापसाचे सविस्तर दर
| बाजार समिती | जात/प्रत | परिमाण | आवक | कमीत कमी दर | जास्तीत जास्त दर | सर्वसाधारण दर |
|---|---|---|---|---|---|---|
| 26/12/2023 | ||||||
| संगमनेर | --- | क्विंटल | 150 | 5500 | 6800 | 6150 |
| सावनेर | --- | क्विंटल | 3500 | 6725 | 6750 | 6750 |
| भद्रावती | --- | क्विंटल | 635 | 6995 | 7020 | 7007 |
| पारशिवनी | एच-४ - मध्यम स्टेपल | क्विंटल | 946 | 6700 | 6775 | 6740 |
| अकोला | लोकल | क्विंटल | 108 | 5850 | 7000 | 6425 |
| उमरेड | लोकल | क्विंटल | 248 | 6200 | 6920 | 6750 |
| देउळगाव राजा | लोकल | क्विंटल | 1900 | 6200 | 7160 | 6900 |
| वरोरा | लोकल | क्विंटल | 4224 | 6350 | 7100 | 6800 |
| वरोरा-खांबाडा | लोकल | क्विंटल | 2263 | 6750 | 7100 | 6850 |
| काटोल | लोकल | क्विंटल | 200 | 6400 | 6800 | 6700 |
| हिंगणा | लोकल | क्विंटल | 42 | 6250 | 6750 | 6650 |
| सिंदी(सेलू) | लांब स्टेपल | क्विंटल | 1600 | 6550 | 7040 | 6920 |