कापूस दरातील घसरण सुरूच; जाणून घ्या आजचे दर

आज राज्यभरात कापसाला किती मिळाला दर?

कापसाचे दर कमी झाल्याने शेतकऱ्यांना मातीमोल दराने कापूस विक्री करावी लागत  आहे. बाजार समित्यांमध्ये हमीभावापेक्षाही कमी दर मिळत  असल्याने पणन महासंघ आणि सीसीआयकडून  कापूस खरेदी सुरू करण्यात  आली आहे. महाराष्ट्रातील काही ठिकाणी ही खरेदी सुरू करण्यात आली असून तिथे हमीभावाने कापूस खरेदी केला जात आहे. पण त्या अटी आणि नियमांमुळे शेतकऱ्यांना मनस्ताप सहन करावा लागत असल्याचं चित्र आहे. 

दरम्यान, आज पणन मंडळाच्या अधिकृत  माहितीनुसार ए.के.एच. ४ - मध्यम स्टेपल, एच-४ - मध्यम स्टेपल, लोकल आणि मध्यम स्टेपल कापसाची आवक झाली होती. त्यामध्ये मारेगाव,  देऊळगाव राजा,  हिंगणघाट, वर्धा आणि सिंदी-सेलू या बाजार समितीमध्ये एक हजार क्विंटलपेक्षा जास्त कापसाची आवक झाली होती. त्यामध्ये हिंगणघाट येथे विक्रमी ६ हजार ५०० क्विंटल कापूस आला होता. या बाजार समितीमध्ये ६ हजार ४०० रूपये  प्रतिक्विंटल सरासरी दर मिळाला आहे.

तर अकोला बोरगावमंजू या बाजार समितीमध्ये आजच्या दिवसातील सर्वांत जास्त  म्हणजे ७ हजार २७ रूपये प्रतिक्विंटल सरासरी दर मिळाल्याचं चित्र आहे. तर या ठिकाणी केवळ १३६ क्विंटल कापसाची आवक झाली होती. दरम्यान, नेर परसोपंत बाजार समितीमध्ये आजच्या दिवसातील सर्वांत  कमी म्हणजे केवळ ५ हजार ८००  रूपये प्रतिक्विंटल सरासरी दर मिळाला आहे. या बाजार समितीमध्ये ३९ क्विंटल कापसाची आवक झाली होती.

आजचे सविस्तर कापसाचे  दर

बाजार समिती	जात/प्रत	परिमाण	आवक	कमीत कमी दर	जास्तीत जास्त दर	सर्वसाधारण दर
13/02/2024
भद्रावती	---	क्विंटल	480	6200	6750	6475
पांढरकवडा	ए.के.एच. ४ - मध्यम स्टेपल	क्विंटल	860	6620	6920	6800
मारेगाव	एच-४ - मध्यम स्टेपल	क्विंटल	1409	6650	6850	6750
पारशिवनी	एच-४ - मध्यम स्टेपल	क्विंटल	584	6500	6700	6600
अकोला	लोकल	क्विंटल	115	6730	7000	6865
अकोला (बोरगावमंजू)	लोकल	क्विंटल	136	6900	7154	7027
उमरेड	लोकल	क्विंटल	250	6340	6700	6500
देउळगाव राजा	लोकल	क्विंटल	3700	6200	6970	6875
नेर परसोपंत	लोकल	क्विंटल	39	5800	5800	5800
काटोल	लोकल	क्विंटल	211	5400	6750	6650
हिंगणा	लोकल	क्विंटल	52	6000	6700	6650
हिंगणघाट	मध्यम स्टेपल	क्विंटल	6500	6000	7001	6400
वर्धा	मध्यम स्टेपल	क्विंटल	1910	6250	7000	6650
यावल	मध्यम स्टेपल	क्विंटल	187	6020	6650	6310
सिंदी(सेलू)	मध्यम स्टेपल	क्विंटल	1550	6600	7050	6850
फुलंब्री	मध्यम स्टेपल	क्विंटल	148	6650	6800	6700